Mr. K Pizza N Chicken (已結業)

星期日同啲friend去咗銅鑼灣ikea度睇傢俬 講到食嘢梗係去附近嘅燈籠街喇 嗰度有唔同國家嘅美食 回想返之前係銅鑼灣返工嘅時候成日都喺嗰度食晏晝 有一間pizza炸雞成日都好想食但次次去到都冇位 今日終於食到 就係 @mr.k_pizzanchicken 我哋三個男仔去食 食完大家都覺得好滿足好飽 同埋慶幸冇嗌多一個意粉 由於好肚餓嘅關係我哋直接skip咗頭盤 叫左一個肉食狂人芝加哥pizza 你哋睇下張相就會知道呢個pizza係幾咁有料到未食過一個咁拉絲嘅Pizza 估唔到韓國人整意大利嘅pizza竟然有一手 個黑糖醬加埋一大堆配料包括烤雞肉 火腿 煙肉 紅椒 雙倍水牛芝士 巴馬臣芝士 番茄醬 好似outback麵包嘅黑糖包邊等等 真係好好味但食一件已經覺得飽飽地 呢間餐廳除咗pizza 係signature之外 炸雞都好出名 為咗滿足我哋貪心嘅慾望 我哋叫咗兩款唔同嘅炸雞（半份）分別係蒜香蜜糖同埋甜辣炸雞 兩款炸雞新鮮炸起 熱辣辣啲皮好脆 又唔會好重炸粉 同平時其他地方食嘅炸雞好大分別 呢兩個口味相信大家都會好鍾意值得一試 三個人食都唔洗五百蚊 銅鑼灣黎講價錢相當合理 平時都會