影片
更多
2023-05-24
204 瀏覽
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗從來都冇諗過牛腩可以係三文治嘅餡料，好似好得意，鍾意試新嘢嘅我又點會錯過呢😂🍴牛腩蛋芝士三文治（$49）佢嘅 description 係話參考西班牙三文治嘅做法，我嘗試上網搵資料，可惜好似唔太搵到相關資料，幾款有名有姓嘅三文治都唔太似，anyways 只係我個人鍾意搵吓食物同製作資料而已。打開外賣盒，見到賣相好靚，麵包用牛油煎香，拿住三文治打開，非常多餡料，見到滿滿嘅牛腩，炒蛋，厚切番茄，溶咗嘅芝士... 一啖咬落去，半肥瘦嘅牛腩好爽，非常易咬開但又有口感，夠入味又有油香，牛腩份量好多，真係啖啖肉，完全估唔到牛腩同炒蛋係咁夾，麵包勁香牛油味，睇到唔少牛油滲入包中間，牛腩嘅油加埋勁多牛油，真係又香又邪惡，夾埋新鮮番茄，會有清爽味道同口感，反而芝士味有丁點迷失，唔太搵到。一路咬，D 餡料多到間唔中會跌落嚟，亦都會食到每隻手指都係牛油，係食得有D 摎挍，但係會滋味到忍唔住舔手指😋🍴凍黑糖仙草奶茶（+$18）因為門面嘅招牌上有佢，作為最鍾意飲手搖飲嘅我，又點會錯過！見之前有人寫佢偏甜，建議叫少甜，我就照跟。飲落去，發現個奶茶係港式奶茶，但又唔太
回頭指數 ⭐️⭐️⭐️⭐️
開心指數🤗🤗🤗🤗
從來都冇諗過牛腩可以係三文治嘅餡料，好似好得意，鍾意試新嘢嘅我又點會錯過呢😂
🍴牛腩蛋芝士三文治（$49）
佢嘅 description 係話參考西班牙三文治嘅做法，我嘗試上網搵資料，可惜好似唔太搵到相關資料，幾款有名有姓嘅三文治都唔太似，anyways 只係我個人鍾意搵吓食物同製作資料而已。
打開外賣盒，見到賣相好靚，麵包用牛油煎香，拿住三文治打開，非常多餡料，見到滿滿嘅牛腩，炒蛋，厚切番茄，溶咗嘅芝士... 一啖咬落去，半肥瘦嘅牛腩好爽，非常易咬開但又有口感，夠入味又有油香，牛腩份量好多，真係啖啖肉，完全估唔到牛腩同炒蛋係咁夾，麵包勁香牛油味，睇到唔少牛油滲入包中間，牛腩嘅油加埋勁多牛油，真係又香又邪惡，夾埋新鮮番茄，會有清爽味道同口感，反而芝士味有丁點迷失，唔太搵到。一路咬，D 餡料多到間唔中會跌落嚟，亦都會食到每隻手指都係牛油，係食得有D 摎挍，但係會滋味到忍唔住舔手指😋
牛腩蛋芝士三文治
$49
5 瀏覽
0 讚好
0 留言
🍴凍黑糖仙草奶茶（+$18）
因為門面嘅招牌上有佢，作為最鍾意飲手搖飲嘅我，又點會錯過！見之前有人寫佢偏甜，建議叫少甜，我就照跟。飲落去，發現個奶茶係港式奶茶，但又唔太夠滑，平常飲手搖飲我叫半糖會覺得啱啱好，呢個叫咗少甜反而有D 奇怪，味道唔湯唔水奶味唔夠，又唔太飲到黑糖味，仙草如正常嘅冇咩味，唔知係咪我信錯人，叫返正常會好飲D?
本身想試佢嘅寵茜燒賣，點知賣晒冇得試，嗰刻又失去咗想試佢原味燒賣嘅動力，就冇叫小食。
等緊外賣時，發現店嘅裝修都幾特別，同時發現寵茜燒賣係1100、1300、1500、1700、1900 出爐，下次就知時間啦～
☆My IG @tracyloveliving ☆
張貼
