影片
更多
2020-10-05
139 瀏覽
韓國飲食文化真係深深影響香港呢！前一輪興氣炸鍋小食，而家又興國民早餐「鐵板三文治」！作為一個為食韓友，真係感到滿滿的幸福！🤤講起鐵板三文治，今轉我就去咗K11 Art Mall嘅吐司專門店HAND3AG覓食！一出尖咀地鐵D3出口，即見HAND3AG喺左側。銀白店門，樓底高，裝修好韓系！（第一下見到，真心唔覺佢哋係賣三文治！🤣）呢間我Bookmark已久，不過並唔止因為佢夠韓系，另一個主因係佢哋嘅三文治配料，非常特別！有通心粉、拉麵、薯餅或肉丸，好反傳統！睇見就勁勾起我嘅好奇心，究竟係咩味嘅呢？哈哈！🤣其次，上網睇過佢哋嘅Menu，小食都幾多嘢擇！有薯條、蟹肉忌廉餅、酥脆牛油果、芝士烤普羅旺斯燉肉丸、沙律及什菜湯等等，同嘴刁嘅朋友去食，都唔怕佢哋搵唔到啱食嘅嘢！✦歐陸監獄鐵板三文治 Menu打晒皇冠推薦嘅口味，當然我都有叫啦！呢款三文治配料係普羅旺斯燉肉丸+芝士通心粉＋港式濃邊蛋＋水晶生菜，我好鍾意佢哋用蕃茄醬燉煮嘅肉丸，酸甜得嚟好惹味！咬三文治時，feel到濃邊雞蛋脆脆啲質感，加埋彈牙嘅通心粉，口感真係相當豐富呢！✦拉麵叉燒鐵板三文治 今次我叫咗三款三文治，呢款係我最鍾意
韓國飲食文化真係深深影響香港呢！前一輪興氣炸鍋小食，而家又興國民早餐「鐵板三文治」！作為一個為食韓友，真係感到滿滿的幸福！🤤
講起鐵板三文治，今轉我就去咗K11 Art Mall嘅吐司專門店HAND3AG覓食！
一出尖咀地鐵D3出口，即見HAND3AG喺左側。銀白店門，樓底高，裝修好韓系！（第一下見到，真心唔覺佢哋係賣三文治！🤣）呢間我Bookmark已久，不過並唔止因為佢夠韓系，另一個主因係佢哋嘅三文治配料，非常特別！有通心粉、拉麵、薯餅或肉丸，好反傳統！睇見就勁勾起我嘅好奇心，究竟係咩味嘅呢？哈哈！🤣
其次，上網睇過佢哋嘅Menu，小食都幾多嘢擇！有薯條、蟹肉忌廉餅、酥脆牛油果、芝士烤普羅旺斯燉肉丸、沙律及什菜湯等等，同嘴刁嘅朋友去食，都唔怕佢哋搵唔到啱食嘅嘢！
歐陸監獄鐵板三文治
$54
14 瀏覽
0 讚好
0 留言
Menu打晒皇冠推薦嘅口味，當然我都有叫啦！呢款三文治配料係普羅旺斯燉肉丸+芝士通心粉＋港式濃邊蛋＋水晶生菜，我好鍾意佢哋用蕃茄醬燉煮嘅肉丸，酸甜得嚟好惹味！咬三文治時，feel到濃邊雞蛋脆脆啲質感，加埋彈牙嘅通心粉，口感真係相當豐富呢！
拉麵叉燒鐵板三文治
$56
18 瀏覽
0 讚好
0 留言
今次我叫咗三款三文治，呢款係我最鍾意嘅口味！😂令我諗起去親日本必食嘅炒麵麵包😂呢款三文治入面夾咗味噌拉麵、叉燒、溏心蛋、味付筍絲及牛油栗米粒等配料，食緊拉麵定三文治？傻傻分不清！口感好過癮！
大隻水手鐵板三文治
$52
24 瀏覽
0 讚好
0 留言
有名你叫大隻水手，呢款三文治入面夾咗菠菜！仲要係生嘅，真係好特別！
個人好鍾意菠菜，連埋吉列雞塊，醃青瓜及黑蒜醬食，味道唔錯！🤤
3日3夜自家手切薯條（中，跟餐免費）
$35
19 瀏覽
0 讚好
0 留言
呢款薯條真係一定要點！我勁鍾意！🤤
官方就話要用3日3夜時間製作，好誇張呢！雖然不太懂點解要花咁多時間整，但對佢用嗰隻Agria薯仔印象難忘，質感外脆內粉，甜甜地，熱食真係好正！水準非麥X勞可以比。🤫
另外，佢哋加7蚊可以配3款自家製醬料，今次我就揀松露蛋黃醬！呢款醬落松露都落得幾重手，我好滿意！
北海道野菜薏米湯（跟餐免費）
$28
36 瀏覽
0 讚好
0 留言
呢款湯幾足料， 每舀一下都有大量蔬菜！而且佢個口感唔會好rich，邊食邊飲，幾送包。
HAND3AG 凱撒沙律（跟餐免費）
$28
22 瀏覽
0 讚好
0 留言
呢款專為怕肥/關注健康人士而設，比想像中多蟹柳，味道正常，唔算特別。
玫瑰鮮奶咖啡（跟餐＋HK$10）
$42
13 瀏覽
0 讚好
0 留言
無論係顏值定味道都相當唔錯！推薦！😋
我鍾意佢個漸變層次，真係勁靚！咖啡底可以揀Nutty或者Fruity，幾貼心。味道OK，不過個人覺得玫瑰味唔算話好突出。
✦紅沙冰 （跟餐＋HK$10）
$42
13 瀏覽
0 讚好
0 留言
用紅甜椒＋士多啤梨＋蘋果＋檸檬打成，味道好特別！先會有紅甜椒，後勁會比較強士多啤梨味，我覺得味道還可，感覺好通便呢！😂
薰衣草洋甘菊花茶（跟餐免費）
$28
9 瀏覽
0 讚好
0 留言
呢款茶品幾好，薰衣草及洋甘菊花好甘香， 消滯一流。
P.S. HAND3AG 睇落唔算好大份，但食起上嚟係超飽肚！另外，三文治內有多款蔬菜，唔似傳統韓式鐵板三文治，一味肉同芝士，相對嚟講都較健康！
張貼
