影片
更多
2022-05-31
2899 瀏覽
終於試到近排非常熱門嘅拉麵 — 泓一。上星期日大概6:45到達，門外大概有35人排隊。店鋪上菜嘅速度唔算快，加上泓一鋪面非常狹窄，只得8個座位，食客用餐時間平均大概30分鐘，計返至少要排兩小時，於是就決定放棄。今次平日星期二再挑戰，同樣6:45到達，門外大概有10人排隊。排咗45分鐘終於可以入座。店面裝修較簡陋凌亂，座位亦較為迫狹。餐廳有提供冰水供客人飲用。今次點咗兩碗雞白湯拉麵同埋一客餃子。講到雞白湯拉麵，幾乎所有人都會將佢同座銀比較。之前唔少食評都話泓一嘅雞白湯同座銀嘅有得比，但我認為各配料嘅味道同質素都差一截。.1. 麵條泓一嘅拉麵加入咗小麥，有淡淡嘅麥味。質感介乎在細麵條同捲捲麵嘅中間，有少硬身爽唔，同時亦帶點嚼勁。座銀嘅麵條較粗，亦較煙韌，掛湯能力較強🏆座銀.2. 湯頭泓一嘅湯底雞味較淡，同時亦較咸。頭啖湯的確嚐到雞味，但食到中段，雞味變得冇咁顯著，最後亦未有太大衝動飲哂整碗湯。座銀嘅湯底層次更豐富，食到尾段依然有濃烈香甜嘅雞味，係令人情不自禁一滴不漏咁喝掉整碗湯。🏆座銀 .3. 叉燒泓一嘅叉燒令人非常失望，可能係前置工夫做得不夠好，未能除去豬臭味。相反，座銀嘅叉燒非常嫩滑，
店面裝修較簡陋凌亂，座位亦較為迫狹。餐廳有提供冰水供客人飲用。今次點咗兩碗雞白湯拉麵同埋一客餃子。
講到雞白湯拉麵，幾乎所有人都會將佢同座銀比較。之前唔少食評都話泓一嘅雞白湯同座銀嘅有得比，但我認為各配料嘅味道同質素都差一截。
.
1. 麵條
泓一嘅拉麵加入咗小麥，有淡淡嘅麥味。質感介乎在細麵條同捲捲麵嘅中間，有少硬身爽唔，同時亦帶點嚼勁。座銀嘅麵條較粗，亦較煙韌，掛湯能力較強
🏆座銀
.
2. 湯頭
泓一嘅湯底雞味較淡，同時亦較咸。頭啖湯的確嚐到雞味，但食到中段，雞味變得冇咁顯著，最後亦未有太大衝動飲哂整碗湯。座銀嘅湯底層次更豐富，食到尾段依然有濃烈香甜嘅雞味，係令人情不自禁一滴不漏咁喝掉整碗湯。
🏆座銀
雞白湯拉麵
$88
26 瀏覽
0 讚好
0 留言
.
3. 叉燒
泓一嘅叉燒令人非常失望，可能係前置工夫做得不夠好，未能除去豬臭味。相反，座銀嘅叉燒非常嫩滑，有淡淡煙薰味，更勝一籌。
🏆座銀
.
4. 雞胸肉
相比座銀，泓一嘅雞胸肉劕較粗糙，亦不及座銀唧爽口、彈牙和濕潤。泓一唧雞胸有淡淡嘅蒜味。
🏆座銀
.
5. 蛋
泓一嘅蛋非常流心，蛋黃呈橙結色，味道香濃。座銀嘅則煮得熟一點，呈糖必狀態。
🏆泓一
.
6. 其他
泓一嘅筍未有完全除去筍味，而座銀嘅就完全消除咗，睇你本身鍾唔鍾意隻味。翡翠苗方面，泓一嘅草青味較濃，令湯頭亦有少許草青味。
🏆座銀
.
7. 價錢
泓一非常抵食，$88已包括蛋。座銀沒有包括蛋，但價錢貴差不多一倍。
🏆泓一
.
餃子味道一般，不過不失，惟外皮可煎得更脆。
日式餃子
$25
32 瀏覽
0 讚好
0 留言
張貼
