普陀素食 (已結業)

原本無諗住係上水食，但阿媽話有啲野係上水先有得買，所以唯有勉為其難去啦。入到去，叫左茶水，之後慢慢睇餐牌。係無乜選擇下，揀左我O既心水，乾燒伊麵。碟野上到枱...啲色水怪怪，好似咖喱，又好似酸甜汁咁，橙橙黃黃，賣相已經唔算吸引。啲配料可謂少得可憐，乜啲冬菇芽菜家下好貴咩！到食落口個下，啲麵韌韌地，似係無用水滾開。啲汁又唔似蠔油味，鹹鹹地酸酸地咁。總之成碟乾燒伊麵好怪，好難食。仲有個齋滷味，個樣整得都算 OK 既。但係，啲味太參次。酸麵筋太酸，好似飲純檸檬汁咁咖喱麵筋同豉油麵筋唔夠味，叉燒太甜。整體來講，如果係無得揀既情況下，寧願唔食都唔會再去。