和牛燒肉一郎 (新都城中心二期) (已結業)

屋企人想食呢間燒肉好耐🥰🥰今日終於抽到時間同屋企人黎食，原來價錢都唔貴，最平既餐由$198起，如果食牛既就$298起（平日），同屋企人食食好啲，擇左$598餐，多好多種類既牛，同埋有啲季節限定既菜單。。叫左「120分鐘 C餐 $598」，包左超多野食！除左出面自助吧有齊野飲、甜品、棉花糖、沙律、雪糕、爆谷。仲有可以用QR code落單肉類/海鮮… 。擇左餐之後會直接送幾個盛合黎。包括：舟盛合（牛、豚、雞、海鮮、野菜）、桶盛（牛肋肉、牛里脊肉、豚肉、雞）、極上花盛合（和牛牛肋肉、和牛里脊肉、里脊肉、牛外橫隔膜、豚肋肉、牛舌、蔬菜）、是日寶箱（當日新鮮即切）、鰻魚白燒😍😍其實第一Round黎完啲野食，都好飽下😂😂 但仍然要order 和牛食！和牛超Juicy好肥美，入口即溶，好高質🤭🤭。叫呢個餐最正係仲有一個「特選牛薄燒海膽壽司」可以任食！燒完個牛之後包埋海膽壽司一齊食！真心好正😍好好味！海膽好鮮味呀。。海鮮都係另一個重點，好似蒜蓉牛油海蝦、帆立貝呢啲係任食，蠔又係任食😍全部好正。。除左燒物仲有炸物同小食、涼菜、飯麵咁，選擇多到都食唔晒😆😆性價比極高。