本延鍋物

營業中

休息中

今日去一間日本餐廳，叫「本延鍋物」，主打和牛，一人一鍋，見到餐牌啲相好靚，所以我一人叫咗一份和牛：一份A4 和牛同埋一份A5和牛。A4和牛雪花紋理分佈得好平均，食落口好重牛味，入口即溶嘅感覺，好香好滑，完全無筋，完全唔覺得油膩，食多多都可以。A5和牛油脂分佈比較多，比起A4更香滑，好香牛肉嘅鮮味。湯底方面，我揀咗壽喜燒、昆布清湯。兩款口味交換來食，壽喜燒湯底好濃味，煮蔬菜比較適合，蔬菜吸收咗湯底嘅味道，好惹味。牛肉就用昆布清湯去煮比較適合，咁樣就唔會被蓋過牛肉嘅鮮味。套餐仲有2款餐前小食，魚子醬帶子刺身、和牛豆腐，製作好用心、好精緻。總結，喺香港第一次發現咁出色嘅和牛，係我人生必食之選。一定再來光顧。