喜來稀肉 (已結業)

早幾日返工到晏晝午餐時段，原本諗住求其去公司附近一間食個快餐就算，忽然，同事提議新一年開始第一餐應該食好啲，就決定去喜來稀肉😋我自己本身甚少食燒肉，所以未聽過呢間餐廳，入到去發現餐廳舖面都幾整潔喎，唔知係咪我哋去嘅日子距離聖誕完咗冇幾耐，餐廳仲擺咗一棵好靚嘅聖誕樹裝飾，我哋都忍唔住影多幾張相打卡。之後當然要嗱嗱臨揀個靚位坐低落order。食物方面，爐邊芝士蛋味道唔錯，不過難得食燒肉，最緊要嘅當然係肉嘅質素！當侍應上枱時，我同同事見到嗰啲肉簡直嘩出聲。估唔到午餐時段嘅燒肉，餐廳都咁有心機將啲肉摺成一朵花。外貌固然出眾，但肉類味道更加出色，食落一啲都唔嚡，而且仲冇筋，夠晒油香味，我覺得以呢個價位來講簡直物超所值。