夏麵館 (寶石大廈) (已結業)

放工同同事飯聚，來到了夏麵館，朋友話佢之前食過好味，其實自己都有食過都覺得唔錯，就book左枱放工黎。一行六人諗食乜，係張餐紙上劃劃劃，點了飯，年糕，包等全部飽肚野。黎食上海野小籠包係必點嘅，呢度出品幾好呀，皮薄多汁，肉汁鮮甜，點少少醋同加少少薑絲就perfect。朋友話呢個韮王炒蛋係佢至愛，蛋嫩滑，大量韮王很香吖。再黎係瑤柱蛋白炒飯，粒粒飯炒得很香口，瑤柱很重海味味，調味適中，好吃。南瓜餅，甜甜的，煙煙韌韌很有口味。仲點左好多其他野，不過成班蝗蟲一有野食落枱就夾哂，太醜樣就不影相了。