椰籽

營業中

休息中

去開九龍城金泰買串燒食，咁啱就見到呢間專門賣椰子嘅飲品店喺隔離，好香濃嘅椰子味飄出嚟 同朋友忍唔住買幾杯🤣 我哋要咗 椰子香芋特飲同埋椰子紫米露特飲。香芋特飲香芋味好香，不過椰子味更突出，唔會過甜 仲有少少沙冰口感，唔會唔會好膩，都幾解渴😋 紫米露好港式風味 將糖水變成飲品 而且加重左椰汁🥥味道 好香，雖然會飲到好細粒粒既紫米同埋椰子碎 不過飲品打得好滑 一啲都唔會影響口感。仲要左兩樽支裝飲品，鴨屎香檸檬茶同埋檸檬洛神花茶，兩款檸檬嘅香味唔一樣，好鍾意佢嘅飲品唔會太甜 但係本身嘅味道真係好濃郁 好真材實料。