泗益

營業中

休息中

好耐冇嚟過赤柱，唔知有咩好嘢食，上OpenRice見到呢一間好出名食西多士嘅茶記，當然要嚟試吓啦～.嚟到梗係要叫佢嘅招牌咖央西多士，一上枱就聞到超級香濃嘅蛋香味，仲有啱啱炸起嘅滋滋聲。好彩佢係最後一個到嘅菜式，所以影完張相就可以即刻食😋 因為好熱牛油溶得好快，滲晒落去西多士入邊，夾心嘅咖央唔會好甜，配埋蛋香味濃嘅麵包，質地外脆內軟，好耐冇食過咁高質嘅西多士！.仲有叫咗個鮮油火腿菠蘿包，從來冇食過呢個組合，非常震撼！菠蘿油就食得多，加埋火腿有少少鹹，跟住凍冰冰嘅牛油同微暖嘅菠蘿包，一試難忘嘅味道！同埋好好彩我哋啱啱好叫到最後一個菠蘿包，小確幸🥰.飲品方面，叫咗杯熱奶茶，奶味香濃，茶底唔會好澀，係一杯好飲嘅港式奶茶，值得一試。