金船長餐廳 (已結業)

離奧運地鐵站10分鐘既距離，位於大角咀附近，有好多餐廳選擇，今次揀金船長當然因爲佢個黑松露芝士薄餅。黑松露芝士薄餅黑松露既味道真系好香！香到系隔離枱上菜都聞到，外面既餅好鬆脆，加埋d提子醋食味道更加fresh，可以加番多d芝士，口感就吾會咁乾。跟餐餐湯揀左青豆忌廉湯，味道都幾得意，出面餐廳好少有。main course要左羊架配薯圈，羊架要左七成熟，啱啱好，肉質仲keep住好嫩滑，但又吾會太生。焗田螺，味道清清地，好重牛油味。