牛壹台食 (已結業)

食晚想食牛肉麵就諗起呢間位於灣仔軒尼詩道嘅牛壹台食 。招牌紅燒牛腱心牛肉麵牛腱心筋肉相連口感極佳，牛肉軟腍入味，肉味仲相當香。刀削麵滑一滑，加埋湯底精華，滋味無窮。古早味滷肉飯珍珠米粒粒圓潤，飯香撲鼻，滷肉濃香油潤，肉同脂肪比例剛剛好，滷肉拌飯，係一口接一口嘅美味。藥膳醉香單骨雞翼雞翼吸收藥膳酒香，食落酒味夠重，單骨處理方便食用。每個餐都配有小碟雲耳，朵朵爽口彈牙，香辣開胃，係唔錯嘅餐前小食。金鳳梨綠茶，手作冬瓜茶跟餐點呢兩款特飲甜度適中又有台灣風味。