餃里 (悅湖商場) (裝修中)

聽朋友講屯門有間手工餃子店好高質，今日佢終於肯帶我去，睇下係咪真係佢講咁正先就係呢間「餃里」啦，好似好正咁，望入去見到有人即場包緊啲餃子，無花無假，店員都好好禮貌！呢到無得堂食，主打外賣煎、湯餃，亦可以外賣生餃返屋企自己煮。早早黎到已經無晒兩款味道，可惜。睇黎都好受歡迎。睇緊menu同時都有唔少街坊過黎吹水買野。我今次就外賣左生餃返屋企煮，附送埋烹調教學，真係傻既都識煮呀！.....好吧我是傻有幾件煎燶左不過好彩入面啲餡無事，煮完就睇得出係咩味啦，入面啲餡料透出黎，見到唔同既顏色橙色呢個係泡菜餃子，好新奇，外皮唔會好厚，入面泡菜同肉粒pack到滿晒，勁足料，泡菜煮熟左又唔會好似韓國餐廳啲前菜咁好酸好辣，反而咸咸甜甜，亦好有咬口，好食呢個係香茜餃子，入面好香既茜味，唔錯黃色呢粒勁啦，係咖喱餃子，我中意既一款！咖喱味好濃，有少少辣，食到停唔到口！煮熟左之後啲咖喱味滲埋落餃子皮到，好好味！