堤諾比薩 (已結業)

是日唔想大排文記，轉戰提諾！超級驚喜！首先是令人哭笑不得的服務！ 原本點了個餐有湯有沙律，但係湯同沙律嚟到之後店員先話冇我哋要個款pizza， 想加錢轉其他pizza都唔畀， 一定要食佢指定嗰幾款pizza。 咁我唯有轉其他餐啦， 我餐都未點完，店員就極速九秒九同我收哂枱面所有嘢！結果轉咗食松露pizza餐！ 仲加咗32蚊升級做羅馬pizza， 個pizza鬆軟香脆，松露同菇菇芝士都下得多，非常多料！唔好意思，食咗一半先記得影，松露薯條厚身好香脆！水果水耕沙律菜好新鮮，dressing 唔係用沙律醬而係用水果醬感覺清新！松露意粉偏硬，但有埋鉗鉗好細心！最驚喜係呢粒海星pizza！！！ 旁邊個麵包係外脆內軟熱辣辣，中間薄薄麵包上面舖滿凍嘅莓果醬檸檬芝士乳酪，唔算太甜，當甜品一流！外熱內冷，就好似食緊心太軟咁，味道同口感都超好！！！ 依家睇番都好想再食！好想係呢度叫返杯珍珠奶茶但可惜售罄，唯有飲杯凍檸樂！ 佢提供嘅係檸檬汁係已經幫你揸埋落埋而唔係畀幾塊檸檬片你自己篤， 夠曬檸檬味！好貼心！地方舒適闊落，性價比極高。 食物質素奇高，個人認為絕對好過pizza express同pizza Hu