越北牛肉粉專門店

營業中

休息中

最近天氣炎熱🥵 好想食d開胃d嘅菜式😋 想食越南菜嘅話，第一時間就會諗起越北牛肉粉～越北除咗有多間分店十分方便之外，食物質素唔錯，價錢亦都好實惠。咁啱公司附近有一間分店，所以平時午餐或晚餐都會時不時去食😌 今次我同朋友兩個人就叫咗地道二人餐，套餐包括二人小食拼盤(蝦餅、魚餅、墨魚餅、春卷)同兩碗麵，我地就揀咗越北綜合湯粉(金邊粉)同香茅豬扒湯粉(金邊粉)，仲可以以優惠價加飲品。飲品方面我哋就揀咗薄荷青檸梳打同荔枝洛神梳打。-二人小食拼盤裡面嘅每款小食都有兩件，非常適合兩個人分享嚟食。全部都炸得香脆可口，而我就特別欣賞蝦餅同魚餅。-麵食可自選河粉、檬粉或金邊粉。越北綜合湯粉裡面有生牛肉、牛腩片同牛丸，配料嘅份量亦都幾多。生牛肉片同牛腩片都好新鮮鮮嫩，牛丸幾彈牙。香茅豬扒湯粉豬扒大大件，肉質亦唔會韌。兩碗粉嘅份量都幾多，好抵食👍🏻