影片
更多
2018-06-10
89 瀏覽
辛勞工作完，當然要同友人食好西慰勞自己，而銅鑼灣有間新開無耐既日式料理餐廳，而且係由廚師發辦，特意一試！用膳完畢之後，完全感受到整個用膳流程都經廚師精心設計，以下特意推介部分一試難忘既菜式：八爪魚刺身分別食八爪魚的同吸盤位置，師傅處理緊既仲識郁，十分新鮮。師傅話由於肌肉神經未死曬，再用力撻塊薄切的刺身，會令到刺身既口感更爽口。另外，八爪魚吸盤用水焯過再冷凍，口感與別不同。真鯛刺身分別食魚背及魚腩，即使係魚背位置，魚質都嫩滑，即使平常不太愛好魚肉的我，亦推薦大家一試！北海道牡丹蝦三食 沒有想像可以以三種食法去食一隻蝦！蝦身的肉做刺身，味道鮮甜，口感厚實；蝦頭的膏壓爛後經灼燒，做成一塊口感煙韌的蝦餅；香炸蝦頭的殼，配以少許岩鹽，入口香脆可口。除左蝦眼、砂囊無食到之外，幾乎全隻蝦都用既做成食材！物盡其用！愛魚女壽司 魚肉先利用蒿草煙燻，入口有濃烈的而且獨特的煙燻味道。依佐木壽司魚肉油分較高，而且用左熟成8日既方式處理，聽師傅講熟成的過程，可以把魚內的纖維分解成氨基酸，提升魚的味道。北海道帶子壽司師傅順返帶子既纖維紋理去處理，所以食落口同平時既口感好唔一樣，會食到帶子既一絲一絲既紋理。熊本車海
八爪魚刺身
分別食八爪魚的同吸盤位置，師傅處理緊既仲識郁，十分新鮮。師傅話由於肌肉神經未死曬，再用力撻塊薄切的刺身，會令到刺身既口感更爽口。另外，八爪魚吸盤用水焯過再冷凍，口感與別不同。
真鯛刺身
分別食魚背及魚腩，即使係魚背位置，魚質都嫩滑，即使平常不太愛好魚肉的我，亦推薦大家一試！
北海道牡丹蝦三食
沒有想像可以以三種食法去食一隻蝦！蝦身的肉做刺身，味道鮮甜，口感厚實；蝦頭的膏壓爛後經灼燒，做成一塊口感煙韌的蝦餅；香炸蝦頭的殼，配以少許岩鹽，入口香脆可口。除左蝦眼、砂囊無食到之外，幾乎全隻蝦都用既做成食材！物盡其用！
愛魚女壽司
魚肉先利用蒿草煙燻，入口有濃烈的而且獨特的煙燻味道。
依佐木壽司
魚肉油分較高，而且用左熟成8日既方式處理，聽師傅講熟成的過程，可以把魚內的纖維分解成氨基酸，提升魚的味道。
北海道帶子壽司
師傅順返帶子既纖維紋理去處理，所以食落口同平時既口感好唔一樣，會食到帶子既一絲一絲既紋理。
熊本車海老壽司
師傅先將進口黎既蝦切腳，然後烘乾磨成粉，蝦腳粉味道香濃，最後放返係蝦身上令到味道更添層次！亦見師傅的心思！
日本大蜆壽司
蜆既size不再話下，由於原先係蜆入面既蜆汁會留起整呢個壽司，入口先試到甜甜地既鰻魚汁，然後蜆味慢慢滲透出來，同其他以豉油同芥末襯托既壽司唔一樣。
雞頸肉配柚子醬
雞頸肉唔會有過多既油脂，烹調方法好簡單咁燒香，再配少少鹽同黑椒就已經好好味，而配埋柚子醬感覺好清新。
宮城縣東松島生蠔
肥美既生蠔十分新鮮，用筷子督佢嘅時候裙邊識得收縮！creamy既生蠔配以酸汁啫喱、辣蘿蔔、蔥，味道的層次十分豐富！
燒左口魚邊壽司
由於魚身經火燒後，只可用四隻字形容：入口即溶！油脂香氣係口腔完全充斥著。
活赤貝壽司
做法同之前既八爪魚壽司有點類近，由於赤貝肌肉神經未死曬，再用力撻塊赤貝，會令到刺身既口感更爽口，建議上碟後要立即享用，以感受其最佳狀態！
。
松葉蟹腳壽司
一件十分花工夫的壽司，先將蟹身的肉拆散，然後再起蟹腳既肉，最後再淋上用昆布熬成蟹湯才大功告成，壽司充滿蟹既鮮甜味！
立魚濃湯
魚湯濃而不腥，原因係師傅先炒製6-7kg既魚頭骨熬製而成，先再拎去熬湯。而咁多既魚頭骨要儲成半個月先儲到，所以師傅佢地並唔係成日有機會去熬呢個湯！呢個濃湯真係可遇不可求！
張貼
