利苑酒家 (圓方)

營業中

休息中

隔咗好耐冇寫食評，呢一篇食評我好想寫好耐㗎喇，但係一直都冇時間。今次係我第二次去利苑食飯， 因為上次食過真係好好食，所以今次就去圓方呢一間試下順便同朋友聚會。 先叫咗個湯，個湯煲得火喉剛剛好，之後頭盤叫咗個燒肉，燒肉皮薄香脆 ，再叫咗一隻大蟹諗住一蟹三食, 只蟹一上碟就已經知好足重同好新鮮。其中隻蟹蓋攞咗嚟做焗飯味道口感一流。另外下面蟹腳就攞出嚟踩到避風塘炒蟹，師傅手勢一流炒到隻蟹好香，完全感受到係大師級嘅作品。叫咗一個菜，一個象拔蚌湯麵，佢本身個湯底都好一流，象拔蚌麵個湯其實上次都已經試過，真係好鮮甜好好味，再配埋象拔蚌彈牙可口，所有嘢配合得剛剛好。值得一讚係個小籠包,食落皮薄多湯汁，一睇就已經知師傅手勢一流。今次聚會同同事好耐冇見所以特登叫做啲高級材料其中一樣就係叫咗個和牛，和牛一睇就已經知師傅手勢一流，佢燒到個和牛恰到好處, 啖啖都係牛肉嘅濃香, 肉汁鎖起曬係啲肉裏面， 師父應該有番咁上下功力先可以做到。 最後忍唔住問咗侍應，原來師傅姓袁， 袁師傅畀個like你。