寶泰車仔麵 (隆亨市集) (已結業)

最近初初搬嚟大圍附近居住，聽網上好多人講話呢間車仔麵好好味，所以就買咗外賣試下。我哋叫咗兩碗，一碗酸辣湯底，一碗清湯底，湯底非常好味，夠濃。其實最欣賞嘅係啲餸，兩碗共叫咗六個餸，每個餸都好高水準。先講咖哩魚蛋有魚味，咖哩夠入味，豬皮夠爽口夠入味，水魷分量多夠晒爽口，韭菜夠新鮮，鹵水雞翼夠入味 ，唔會太硬又唔會太淋，剛剛好。當中我最欣賞嘅係白蘿蔔，真係超級好味，完全冇渣，非常清甜，質感好好軟綿綿，又唔會淋到冇咬口。最後佢仲畀好多蔥同芫茜，成碗好大碗，好夠味，好豐富！我哋仲叫咗十粒燒賣，好食呀，入貨有質素！ 整體來說非常滿意，感覺每樣食物都有誠意，可以encore無限次！