七福神和食亭

營業中

休息中

返工時姊妹提議去咗呢一間餐廳食飯😙知道喺OpenRice有好多人都話呢一間餐廳性價比好高，就即刻去左試一試！加上，呢一度成個感覺都好舒適！一齊決定咗想減肥所以嗌咗呢個牛肝菌羽衣甘藍pizza，因為有菜好似健康啲。嚟到個陣啲芝士仲可以拉絲，芝士同其他配料又幾夾。食完都唔覺太飽，因為佢係薄批。然後再叫咗一個味噌煮牛筋，啲牛筋好煙韌，好有咬口。嚿嚿都煮到勁入味。仲有呢個紫蘇免治雞肉餅，紫蘇葉有種獨特的香味，釀埋免治雞肉，再用醬汁煮，味道清新又開胃。