影片
更多
2019-07-09
1579 瀏覽
今次搵到間係半自助晚餐，可以每人叫一份主食！由於即制，制作須時，所以先Order指定主菜，再去自助bar選擇其他食物☺️我地最後叫左澳洲穀飼牛肉眼扒同慢燒鹿兒島豚肩扒！而且聽店員介紹，當你聽到有鐘聲敲響時要留意會有專人製作食物，與此同時就有多位顧客走向同一方向排隊。我地個位好近，所以幾方便第一時間去拎！等待同時就可以出去自助Bar檯，先來簡單冷盤食物，有不同款式火腿、壽司及冷麵全部份量適中唔大件。而我比較想試下多層配料夾一塊鴨胸，味道口感較特別，鴨胸肉爽，好香，其中青瓜增加口感又唔覺搶味，有清新感覺。坐低後第一次聽到鐘聲響起制作既係白酒煮蜆，現場制作等候一陣後面已經多人排隊雖然份量唔太多，但味道唔錯夠入味，有酒香味，蜆大只，無沙。之後仲有避風塘炒蝦，好大只！肉爽！香口，但唔辣岩大眾口味！剛好主菜都整好，肉扒會有一盤調味醬可點！可以自己選擇合適味道，我就貪心每一種味都試些少，由原味到十二種調味都試下，哈哈！其中印象較深都係幾款鹽比較特別，有蒜蓉味、黑椒味等！好多都未試過！而豚扒點蜜糖芥末最夾！肉眼扒叫左五成熟，好稔，好juicy！外邊脆脆地，微微黑椒味，相睇生啲，實質熟啲，剛好收晒血水！重
我地最後叫左澳洲穀飼牛肉眼扒同慢燒鹿兒島豚肩扒！
而且聽店員介紹，當你聽到有鐘聲敲響時要留意會有專人製作食物，與此同時就有多位顧客走向同一方向排隊。我地個位好近，所以幾方便第一時間去拎！
等待同時就可以出去自助Bar檯，先來簡單冷盤食物，有不同款式火腿、壽司及冷麵全部份量適中唔大件。
而我比較想試下多層配料夾一塊鴨胸，味道口感較特別，鴨胸肉爽，好香，其中青瓜增加口感又唔覺搶味，有清新感覺。
坐低後第一次聽到鐘聲響起制作既係白酒煮蜆，現場制作等候一陣後面已經多人排隊雖然份量唔太多，但味道唔錯夠入味，有酒香味，蜆大只，無沙。之後仲有避風塘炒蝦，好大只！肉爽！香口，但唔辣岩大眾口味！
剛好主菜都整好，肉扒會有一盤調味醬可點！可以自己選擇合適味道，我就貪心每一種味都試些少，由原味到十二種調味都試下，哈哈！其中印象較深都係幾款鹽比較特別，有蒜蓉味、黑椒味等！好多都未試過！而豚扒點蜜糖芥末最夾！
肉眼扒
叫左五成熟，好稔，好juicy！外邊脆脆地，微微黑椒味，相睇生啲，實質熟啲，剛好收晒血水！重牛味，點少少海鹽已經可以帶出個味度更上一層樓！正！
豚肉不嬲都俾人感覺會硬啲，但呢個好稔，可能慢煮關係。好好食！
途中又一次鐘響，今次係芝士意粉，較特別係將煮熱既意粉直接放在硬芝士上，利用煮熱左既意粉黏上較多芝士同時有芝士香味，可惜較多人排隊，想排多次攞多碗都供應完畢。
嫌頭先既芝士唔夠，自助Bar食物都有芝士提供，我就比較鍾意食軟芝士，如果想濃味的就要硬身芝士。
鮮鮑魚味足口感爽口，好大只，好好肉，好清甜！無限量供應！正！
海鮮bar仲有長腳蟹、麵包蟹蟹同蝦等
好新鮮，啲肉係可以完整甘起出！蝦夠爽口大只！無得輸！
似乎都接近尾聲，鐘聲又一次響起今次係糖不甩，正好我都食緊甜品，今次我排得較後，好彩我係最後幾位都有煮熱好而且煙煙韌韌既甜點作尾聲。
差的唔記得食埋雪糕，有較少見既香蕉味，當然係唔少得有我喜愛既曲奇味。最後仲有有一杯飲品，飲左杯味道偏濃既咖啡。
相片有限，未能一一盡錄，最好方法係自己黎食！
超滿意既一餐，食物新鮮有質素！座位闊落枱又大，坐得好舒服！一定會再黎既自助餐！
張貼
