影片
更多
2020-10-10
39 瀏覽
成日心思思都想食日本嘢，前排同屋企人食咗壽司，今次同朋友食和牛啦! 我哋去咗呢間喺金馬倫道地舖嘅和牛專門店，叫WAGYU YA，地點方便，入到去覺得環境企理乾淨，很有日式嘅感覺，室內佈置都好有心思。我哋被安排喺舒服嘅卡位，細望下張枱，原來呢度呢啲杯、瓶同容器都好靚㗎，個烤肉爐係日式嗰隻，嚟到點可以唔叫烤肉吖？睇下餐牌，食物選擇都唔少，有好多都係用和牛做主題嘅菜式，幾特別。我哋叫咗A5和王和牛薄燒（HKD488），盛意滿滿和牛丼（HKD488）， 同埋海膽和牛紫菜taco（HKD298）。第二同第三度嘅菜式唔係喺固定餐牌度，而係寫喺黑板上嘅。首先嚟到嘅係海膽和牛紫菜taco。 賣相好靚好精緻，絕對係一個睇得又食得嘅前菜，一啖入面有海膽、三文魚子、和牛、紫蘇葉同天婦羅紫菜。全部加埋一齊食，口感豐富，層次分明，唔會有部分食材搶哂味。呢道菜式幾有創意，估唔到呢幾樣嘢加埋又幾夾喎。今餐我哋最期待嘅主角和牛薄燒到了! 一客有兩大塊，係好大塊嘅和牛! 一望個油花好靚，唔使諗已經知道會非常好食! 驚唔識燒唔緊要，店員會幫你，店員好細心咁逐塊咁燒，中途加入蔥花同埋蒜片燒，再捲埋一齊燒一燒。和牛應該好肥美
我哋被安排喺舒服嘅卡位，細望下張枱，原來呢度呢啲杯、瓶同容器都好靚㗎，個烤肉爐係日式嗰隻，嚟到點可以唔叫烤肉吖？
睇下餐牌，食物選擇都唔少，有好多都係用和牛做主題嘅菜式，幾特別。
我哋叫咗A5和王和牛薄燒（HKD488），盛意滿滿和牛丼（HKD488）， 同埋海膽和牛紫菜taco（HKD298）。第二同第三度嘅菜式唔係喺固定餐牌度，而係寫喺黑板上嘅。
首先嚟到嘅係海膽和牛紫菜taco。 賣相好靚好精緻，絕對係一個睇得又食得嘅前菜，一啖入面有海膽、三文魚子、和牛、紫蘇葉同天婦羅紫菜。全部加埋一齊食，口感豐富，層次分明，唔會有部分食材搶哂味。呢道菜式幾有創意，估唔到呢幾樣嘢加埋又幾夾喎。
15 瀏覽
0 讚好
0 留言
今餐我哋最期待嘅主角和牛薄燒到了! 一客有兩大塊，係好大塊嘅和牛! 一望個油花好靚，唔使諗已經知道會非常好食!
2 瀏覽
0 讚好
0 留言
驚唔識燒唔緊要，店員會幫你，店員好細心咁逐塊咁燒，中途加入蔥花同埋蒜片燒，再捲埋一齊燒一燒。
0 瀏覽
0 讚好
0 留言
和牛應該好肥美啦，中途幾次火光熊熊，非常惹火。和牛一上碟我就即刻食啦，可以點雞蛋、鹽、洋蔥醬或芝麻醬 (我個人就幾鍾意點蛋食)。 片和牛咁大塊真係可以全部醬料都試曬!
哇，塊和牛真係冇得頂，咬落去滿滿係油香，肉質嫩滑，絕對係上品!我朋友食完第一啖，都係咁讚不絕口，話冇嚟錯。
0 瀏覽
0 讚好
0 留言
最後食埋個和牛丼! 真係盛意滿滿，滿足曬幾個願望，有和牛、鵝肝、海膽、黑松露醬，再加隻溫泉蛋喺中間，完全係一個豪華丼飯! 呢個丼咁足料，真係啖啖都咁正，有時仲會猶豫食邊啖好，因為樣樣都好好食! 呢碗丼每一樣食材都好香好好味，每一啖都係享受。不過如果個飯再多啲就好喇， 因為呢個丼真係餸多過飯哈哈。
4 瀏覽
0 讚好
0 留言
呢餐真係非常滿足，由頭到尾都係勁正嘅美食。另外，不得不提，間中要飲下茶，中和吓個口， 然後再食另一樣嘢會好啲。佢個宇治之露茶包幾好飲㗎 ，同埋店員都會主動為你加水。
呢度其實都幾好坐，又啱傾偈，枱同枱唔會話好接近，洗手間乾淨亦都唔細。
總括嚟講，呢度係嘢食環境衛生都非常好嘅餐廳 ，真係好開心嚟咗呢度食晚餐，勁推薦，我同朋友都話要介紹畀多啲好掛住日本旅行嘅親朋戚友嚟食，因為食完可以當自己去咗日本㗎喇。
張貼
