影片
更多
2021-11-11
159 瀏覽
到牛頭角開會，咁啱啲FD喺哩頭返工，當然要一齊食飯啦。FD話去一間她好中意啲西餐廳食，地膽推薦當然要去試試。 估唔到哩間工廈餐廳夜晚都幾多人，半間餐廳都滿左，門口擺左好多水樽，好得意，同埋台同台之間間隔都算大，唔錯。晚市都提供2人套餐，包埋沙律湯2份主菜同甜品飲品，就揀哩個套餐試試。餐前麵包有兩款，長條果款冇乜特別，但是麵包片超好味，睇落嗰樣都麻麻地，食落估唔到好脆口，同埋牛油有加黑松露，點埋一齊食，好正。沙律品種都幾豐富，有藜麥，紅菜頭，沙律菜，番茄，啲菜好fresh好清甜，搭配啲酸甜醬汁好惹味，一碟全部食塞。今日餐湯喺粟米湯，食落又唔喺好重粟米味，反而奶油味重啲，OK喎。主菜揀咗煙三文魚薄餅同炭燒安格斯西冷牛排,薄餅好快來左，哇，哩間餐廳落料一啲都唔孤寒，大大件啲煙三文魚都有5-6件，上面仲搭配埋火箭菜，餅底好薄好脆口，勁like。都好彩喺薄底，食落都未算好飽，如果是厚批，一定食唔噻。牛扒最熟只可以揀7成，有少少失望左，因為我唔喺好中意食生牛扒。侍應都好好，叫我試下，話7成食落唔會覺得好生。牛扒切開黎，裡面仲喺紅色嘅，好似好生咁，但超juice lor，啲汁水留塞成個碟。食左一啖，
晚市都提供2人套餐，包埋沙律湯2份主菜同甜品飲品，就揀哩個套餐試試。餐前麵包有兩款，長條果款冇乜特別，但是麵包片超好味，睇落嗰樣都麻麻地，食落估唔到好脆口，同埋牛油有加黑松露，點埋一齊食，好正。
沙律品種都幾豐富，有藜麥，紅菜頭，沙律菜，番茄，啲菜好fresh好清甜，搭配啲酸甜醬汁好惹味，一碟全部食塞。
藜麥紅菜頭雜菜沙律
12 瀏覽
0 讚好
0 留言
今日餐湯喺粟米湯，食落又唔喺好重粟米味，反而奶油味重啲，OK喎。
主菜揀咗煙三文魚薄餅同炭燒安格斯西冷牛排,薄餅好快來左，哇，哩間餐廳落料一啲都唔孤寒，大大件啲煙三文魚都有5-6件，上面仲搭配埋火箭菜，餅底好薄好脆口，勁like。都好彩喺薄底，食落都未算好飽，如果是厚批，一定食唔噻。
煙三文魚薄餅
5 瀏覽
0 讚好
0 留言
牛扒最熟只可以揀7成，有少少失望左，因為我唔喺好中意食生牛扒。侍應都好好，叫我試下，話7成食落唔會覺得好生。牛扒切開黎，裡面仲喺紅色嘅，好似好生咁，但超juice lor，啲汁水留塞成個碟。食左一啖，又真喺感覺唔到生喎，可能喺炭燒，表面好香口，仲有少少焦味，再加埋好重啲牛肉味，完全feel唔到牛肉生味，正，食到停唔落口！
炭燒安格斯西冷牛排
8 瀏覽
0 讚好
0 留言
食完牛扒已經超飽，但是仲有甜品可以期待，今日啲甜品喺泡芙。甜品嗰樣都幾特別，睇落似蛋糕多啲，泡芙中間喺香草cream，未算好甜，配搭表面啲朱古力醬，好味。
埋單603HKD，以佢地質素黎講，又真喺好抵，如果唔喺工廈餐廳，應該要貴唔少，哩間餐廳可以再encore！
張貼
