影片
更多
2021-01-19
1043 瀏覽
節日時節，星期六我就帶呀媽去咗九龍灣嘅「鳴門割烹料理」食晏🎌！餐廳位置其實距離九龍灣站不太遠，德福廣場步行五分鐘左右就能到達🚶♀️。餐廳環境幾四正，座位寬敞。我哋幫襯佢皆因週末有做90分鐘半自助餐，咁就啱晒我哋呢啲眼闊肚窄嘅人😜。餐牌幾環保，因為客人用水筆畫完，抹乾淨就可以再用，好過用紙。主食有八款選擇，包括魚生丼、鍋物以及一品料理等。可供仼飲任食嘅食物款式包括小食、壽司、串燒、刺身以及沙律🥗。除咗沙律，每類食物我哋都食咗，上菜速度正常，份量適中。磯煮鮑魚，每人獲送一隻，鮑魚癡得個殼好實，心諗唔通未處理嘅😳？放心，絕對唔係。磯煮鮑魚煮得入味，帶少少甜，而且肉質軟稔，完全唔韌，好正！每人一隻更顯矜貴🤤。三色丼，主食A，小朋友唔俾食㗎🤣。三色丼造型吸引，但我冇諗過任食嘅情況下，佢都咁大碗囉？所以細食嘅可能要叫少飯，否則食唔落其他嘢。三色丼嘅用料有拖羅蓉、海膽以及三文魚籽，三款魚生質素幾好，食到鮮味。🍚唯一可挑剔嘅地方就係壽司飯淋身咗啲。大蝦天婦羅，主食F，🍤如果天婦羅係任食項目就好喇，因為好好食。大蝦有四隻，每隻真係幾大，無呃人，蝦肉亦富有彈性，炸衣夠薄兼鬆脆。蝦以外仲有一條秋葵同一塊蕃薯
節日時節，星期六我就帶呀媽去咗九龍灣嘅「鳴門割烹料理」食晏🎌！餐廳位置其實距離九龍灣站不太遠，德福廣場步行五分鐘左右就能到達🚶♀️。餐廳環境幾四正，座位寬敞。
我哋幫襯佢皆因週末有做90分鐘半自助餐，咁就啱晒我哋呢啲眼闊肚窄嘅人😜。餐牌幾環保，因為客人用水筆畫完，抹乾淨就可以再用，好過用紙。主食有八款選擇，包括魚生丼、鍋物以及一品料理等。
可供仼飲任食嘅食物款式包括小食、壽司、串燒、刺身以及沙律🥗。除咗沙律，每類食物我哋都食咗，上菜速度正常，份量適中。
磯煮鮑魚
29 瀏覽
0 讚好
0 留言
三色丼，主食A，小朋友唔俾食㗎🤣。三色丼造型吸引，但我冇諗過任食嘅情況下，佢都咁大碗囉？所以細食嘅可能要叫少飯，否則食唔落其他嘢。三色丼嘅用料有拖羅蓉、海膽以及三文魚籽，三款魚生質素幾好，食到鮮味。🍚唯一可挑剔嘅地方就係壽司飯淋身咗啲。
大蝦天婦羅
18 瀏覽
0 讚好
0 留言
刺身方面🐙，我哋每款叫咗兩片，包括三文魚、油甘魚、八爪魚以及甜蝦，魚生厚切兼有光澤。款式老實講唔款多，但我自己主要都係食大路款，所以無乜所謂。
壽司方面🍣，有八款選擇，不過由於我食咗飯就唔嗌喇，呀媽就叫咗兩粒，分別係熟北寄貝同蟹籽。我用「粒」嚟形容，係因為壽司偏細嚿，啱哂放題食，可以留肚嘛。
串燒方面🍢，我哋要咗厚燒牛舌、免治雞肉棒以及雞軟骨(由左至右)。👅牛脷係厚切，但有少少韌。🐔免治雞肉棒食落好飽，所以唔建議一人一串；🦴而雞軟骨就冇乜特別。圖中右邊小食係三文魚鰭以及明太子玉子。🐟三文魚鰭係追加項目之一，煎得幾香，有少少肉，但一啲都唔腥；玉子就係正常發揮啦。
吉列蠔
29 瀏覽
0 讚好
0 留言
日式蒸蛋
30 瀏覽
0 讚好
0 留言
枝豆，嗌咗一份嚟玩吓，間場食一流😛。
飲品方面，🥤汽水選擇唔少得，另外亦有巨峰同白桃乳酸梳打。我要咗巨峰嗰杯🍇，店員好細心提醒話因為乳酸暫時未有貨，所以而家只係得梳打。服務好專業啊，其實我一啲都唔介意。題外話，飲品好大杯，想飲多款都冇機會🙈。
最後，甜品係雪糕🍨，我哋要咗紅豆味同豆腐味，後者感覺好似維他奶。
總括嚟講，鳴門真係好高質，之前食過其下品牌出品亦然，唔會令人失望。其實今餐係可稱佢為放題，選擇係少啲，但質素高好多。最緊要係呀媽食得高興😍。餐廳仲比咗啲優惠卷我哋，等遲啲晚市開番可以食。推介👍！
張貼
