影片
更多
2022-06-02
33 瀏覽
又嚟介紹良心漢堡啦💛！唔知大家仲記唔記得我喺好耐之前都介紹過Hero’s Friday🤪，今次我又咁啱經過咗Hero‘s Friday啦❤️。既然一場嚟到，今次就叫一啲特別啲嘅漢堡啦。唔講咁多廢話啦，即刻入正題！食物方面☝🏻#英雄漢堡（$98）首先要講嘅就當然係呢間舖頭嘅招牌漢堡啦🤩。其實呢個英雄漢堡我已經期待咗好耐❤️，始終佢係以舖頭名嚟命名嘛。要講呢個英雄漢堡最有特色嘅地方，就當然係佢有兩塊100%嘅純牛肉漢堡扒✨，另外佢都仲會有好邪惡嘅芝士🧀同埋煙肉🥓。最後會有返啲蕃茄生菜同埋蛋中和返佢個油膩度。講吓呢個包嘅賣相先，我就咁睇真係覺得好震撼🤣，因為我真係冇諗過個包會咁大個，要拎起雙手食都有啲難度㗎🤭。至於味道方面，我覺得佢個漢堡扒做得好出色，咬落好有口感🍔，唔會好鬆散。另外芝士同埋煙肉都好夾呢一個漢堡。個人認為佢絕對值得做招牌漢堡👾。另外佢跟餐嘅薯餅都做得好好☺️，起碼食落去個餡係有薯仔粒🤤。#豬柳蛋班堡（$52）跟住要介紹嘅就係呢一個豬柳蛋班堡啦🥳，我喺上次個post度提及到班堡喺Hero‘s Friday首創一個系列👍。今次我試嘅班堡就有少少唔同，因為我將個班堡轉咗做咖啡班堡👀。講吓
唔知大家仲記唔記得我喺好耐之前都介紹過Hero’s Friday🤪，今次我又咁啱經過咗Hero‘s Friday啦❤️。既然一場嚟到，今次就叫一啲特別啲嘅漢堡啦。唔講咁多廢話啦，即刻入正題！
食物方面☝🏻
#英雄漢堡（$98）
首先要講嘅就當然係呢間舖頭嘅招牌漢堡啦🤩。其實呢個英雄漢堡我已經期待咗好耐❤️，始終佢係以舖頭名嚟命名嘛。要講呢個英雄漢堡最有特色嘅地方，就當然係佢有兩塊100%嘅純牛肉漢堡扒✨，另外佢都仲會有好邪惡嘅芝士🧀同埋煙肉🥓。最後會有返啲蕃茄生菜同埋蛋中和返佢個油膩度。講吓呢個包嘅賣相先，我就咁睇真係覺得好震撼🤣，因為我真係冇諗過個包會咁大個，要拎起雙手食都有啲難度㗎🤭。至於味道方面，我覺得佢個漢堡扒做得好出色，咬落好有口感🍔，唔會好鬆散。另外芝士同埋煙肉都好夾呢一個漢堡。個人認為佢絕對值得做招牌漢堡👾。另外佢跟餐嘅薯餅都做得好好☺️，起碼食落去個餡係有薯仔粒🤤。
#豬柳蛋班堡（$52）
跟住要介紹嘅就係呢一個豬柳蛋班堡啦🥳，我喺上次個post度提及到班堡喺Hero‘s Friday首創一個系列👍。今次我試嘅班堡就有少少唔同，因為我將個班堡轉咗做咖啡班堡👀。講吓佢個味道先，我覺得咖啡班堡個咖啡味都幾濃☕️，佢濃得來同埋個豬柳蛋都好夾，個人認為轉做咖啡班堡嘅話會令到成個漢堡都更有層次✨。值得一讚嘅就係佢嘅炒蛋，真係做到好大塊🥰，就咁睇幅相都睇到有幾咁震撼🤣。
值得一提嘅係當日我係用Hero’s Friday自家嘅app去落單架🫢，今次用佢個app就已經可以自助落單🤪。另外佢個app仲可以選擇全港送貨，就算係去到邊度都可以食到佢😍。無論係屋企等外賣又或者係外賣自取都得，真係方便到好多人。
👉🏻整體而言我覺得呢個價錢有咁特別嘅漢堡算係幾值得一試！
評分以🌕表示（滿分為5）
賣相：🌕🌕🌕🌕🌑
味道：🌕🌕🌕🌕🌑
張貼
