影片
更多
2021-03-19
109 瀏覽
呢排工作都比較忙，收工好想去chill下，之前經過發現西環呢頭好多餐廳同酒吧，所以過嚟呢邊搵吓。睇中左近碼頭呢條街，舒舒服服吹下海風咁，感覺冇咁繁囂。入到呢間餐廳幾有格調，以深色為主但係有感覺好簡潔，俾人一種放鬆嘅感覺。見到佢show出嚟嘅酒大部份都係sake，就知道佢係日式西餐廳，而且睇過佢嗰Drink Menu確實係有好多Sake為主嘅Cocktail，好多都好特別，幾想試。不過因為嚟到嘅時候仲有happy hour嘅關係，敵不過佢買一送一嘅優惠，所以就冇揀到佢哋嘅Signature Cocktail。所以我自己就揀咗杯Moscow Mule，以Vodka做底再加埋啲Ginger beer同埋Lime juice，所以飲落好Fresh，而酒精濃度又唔會太高，但係又有relax嘅感覺。作為咖啡愛好者嘅男朋友就揀咗杯Espresso Martini，一嚟到真係好香咖啡味，佢係加咗vodka，但係因為咖啡味實在太濃，所以唔會好勁嘅酒精味，反而飲落有啲提神嘅感覺。佢呢度有好多日式串燒，佢啲串燒真係好高質，每一串都好好味。我哋揀咗佢個雞翼，雞腿肉同埋白鱔。出邊嘅燒雞翼好容易燒到隻雞翼乾晒，連
睇中左近碼頭呢條街，舒舒服服吹下海風咁，感覺冇咁繁囂。
入到呢間餐廳幾有格調，以深色為主但係有感覺好簡潔，俾人一種放鬆嘅感覺。
見到佢show出嚟嘅酒大部份都係sake，就知道佢係日式西餐廳，而且睇過佢嗰Drink Menu確實係有好多Sake為主嘅Cocktail，好多都好特別，幾想試。不過因為嚟到嘅時候仲有happy hour嘅關係，敵不過佢買一送一嘅優惠，所以就冇揀到佢哋嘅Signature Cocktail。
所以我自己就揀咗杯Moscow Mule，以Vodka做底再加埋啲Ginger beer同埋Lime juice，所以飲落好Fresh，而酒精濃度又唔會太高，但係又有relax嘅感覺。
作為咖啡愛好者嘅男朋友就揀咗杯Espresso Martini，一嚟到真係好香咖啡味，佢係加咗vodka，但係因為咖啡味實在太濃，所以唔會好勁嘅酒精味，反而飲落有啲提神嘅感覺。
佢呢度有好多日式串燒，佢啲串燒真係好高質，每一串都好好味。我哋揀咗佢個雞翼，雞腿肉同埋白鱔。出邊嘅燒雞翼好容易燒到隻雞翼乾晒，連支簽到拎唔走，但係佢呢度隻雞翼燒得啱啱好，調味啱啱好，雞翼啲肉仲係好嫩滑，好難得食到咁好味嘅日式燒雞翼。而佢個雞腿肉都真係啖啖肉，同樣都係好Juicy。
最值得一提嘅係佢個白鱔，魚皮燒到脆卜卜，但係咬開之後入邊仲係好Juicy，食到魚肉嘅鮮甜味，而且因為燒得啱啱好而好滑。
另外仲有燒廣島蠔同埋帆立貝，我初頭以為佢係連殼上果種燒，但原來係起晒肉串好晒，令你絕對可以保持你嘅儀態。佢個廣島蠔燒得好好味，燒得啱啱好，又好Juicy同埋脹卜卜，真係色香味俱全。而佢個帆立貝亦都燒到啱啱好，一啲都唔會變乾同埋變韌。
之後仲試咗佢個日式燒茄子，日式燒茄子本身味道會比較淡少少，但係配埋佢個辣辣地嘅特製醬汁，令到你可以喺平淡之中搵到快感。
我哋仲試左佢哋嘅炸物，其中呢度有番薯條，我自己鍾意食番薯條多個普通薯條，因為番薯條甜甜地，不過如果佢可以再切粗少少冇咁容易炸乾就會更加好食。
另外我哋又叫咗佢個炸雞軟骨，呢一個佢個味道比較濃，而且炸到脆卜卜真係好啱送啤酒。最重要係佢個份量真係好大碟，啱晒收工嘅打工仔過嚟一路飲啤酒一路呻一路食。
最後仲有個唐楊炸雞，佢個炸雞都係比較濃味少少同埋同樣都炸到脆卜卜，佢啲炸粉唔會太厚，而且炸到啱啱好啲繼續仲好嫩好多汁。
張貼
