禮 (天光道) (已結業)

呢日同屋企人去左土瓜灣呢間日本餐廳食dinner，餐廳既裝修都幾靚，感覺好舒服。我哋點咗好多嘢食，首先係呢個夏日祭生蠔，生蠔大大隻，勁新鮮，擠啲檸檬汁上去一齊食好refreshing。另外亦都點左刺身五點盛，有三文魚、油甘魚、帶子、海膽同埋蝦，好豐富。呢個松露半熟牛肉他他幾特別，半熟既牛肉口感嫩滑，啖啖都有黑松露既香。熟食方面，點左明太子油揚豆腐同埋芝士玉子燒。玉子一切開，見到有拉絲既芝士，好邪惡。串燒方面，點左青森青提豚肉卷、脆皮風鱔、牛蒡素肉丸串同埋燒雞翼，即叫即燒，勁惹味。