影片
更多
2020-02-10
180 瀏覽
晏晝o係上水親戚屋企拜完年，我同老婆兩個人夜晚諗住落去附近彩園廣場睇下有咩好食。行下行下比一間餐廳門面吸引住，因為佢出面係有一個賣台式飲品既counter，而望落佢飲品 menu 都好吸引，因為時間尚早 (約6:30pm)，所以入到去即刻有位！雖然我地得 2 個人，佢亦都有 2 人枱，但店員好貼心咁安排左張 4 人枱比我地，話等我地可以坐得舒服d，好抵讚！坐低一打開menu,即刻比 *原隻波士頓龍蝦喇沙* 幅相吸引住！見到佢個價錢$88咁平我嚇左一跳！！然後望一望隔離枱，差唔多枱枱都有叫，所以我地都唔執輸 order 返一碗先。原隻波士頓龍蝦喇沙 $88嘩~一上枱果陣我地都忍唔住嘩左一聲！隻龍蝦好大隻，而湯麵 ("侵侵"=油麵+米粉) 既份量都唔少，仲勁香添呀！隻龍蝦本身廚房已經有幫我地敲碎左d殼等我地食果陣容易 d 拆肉，所以我地只要戴手套，好容易就拆到大大啖肉出黎！龍蝦肉肉質彈牙，唔會太膠亦唔會太霉，超高質！馬來蜜汁炭燒厚切豬扒撈檬 $68真心要讚下佢地呢個撈檬做得好出色！首先係佢既檬粉係夠哂凍，呢樣好多好出名既餐廳都做唔到！其次就係佢既配料 (蘿蔔絲，生菜絲，椰菜絲)都切得好幼細
坐低一打開menu,
即刻比 *原隻波士頓龍蝦喇沙* 幅相吸引住！見到佢個價錢$88
咁平我嚇左一跳！！然後望一望隔離枱，差唔多枱枱都有叫，所以我地都唔執輸 order 返一碗先。
原隻波士頓龍蝦喇沙
$88
6 瀏覽
0 讚好
0 留言
原隻波士頓龍蝦喇沙 $88
嘩~一上枱果陣我地都忍唔住嘩左一聲！隻龍蝦好大隻，而湯麵 ("侵侵"=油麵+米粉) 既份量都唔少，仲勁香添呀！
隻龍蝦本身廚房已經有幫我地敲碎左d殼等我地食果陣容易 d 拆肉，所以我地只要戴手套，好容易就拆到大大啖肉出黎！
龍蝦肉肉質彈牙，唔會太膠亦唔會太霉，超高質！
馬來蜜汁炭燒厚切豬扒撈檬
$68
12 瀏覽
2 讚好
0 留言
馬來蜜汁炭燒厚切豬扒撈檬 $68
真心要讚下佢地呢個撈檬做得好出色！首先係佢既檬粉係夠哂凍，呢樣好多好出名既餐廳都做唔到！其次就係佢既配料 (蘿蔔絲，生菜絲，椰菜絲)
都切得好幼細，再加埋脆口既花生同脆漿，撈埋一齊食既口感係超級好！豬扒更加係水準之上，夠哂惹味而且肥瘦適中，非常好食！
香茅雞翼
$58
9 瀏覽
0 讚好
0 留言
香茅雞翼 $58
開頭以為只係得5隻雞翼，原來仲配埋青木瓜沙律。
雞翼好香好入味，青木瓜沙律酸酸甜甜，好開胃！
芒果芝芝冰茶
$33
12 瀏覽
0 讚好
0 留言
芒果芝芝冰茶 $33
同樣都係大大杯，先飲頂頭既芝士奶蓋先， 芝士味夠濃，但我更欣賞佢既茉莉花茶底，茶味夠清香！
香芒椰汁糯米飯
$48
10 瀏覽
1 讚好
0 留言
香芒椰汁糯米飯 $48
我又係比佢幅相吸引左而叫既，果然無令我失望！糯米飯既質素亦好高， 椰汁味好重而飯既口感亦好好，唔會好似出面食果d硬掘掘。
總括黎講呢餐真係十分滿意，不論食物及服務都好高分！誠意推介大家黎試下！
張貼
