影片
更多
2022-05-30
303 瀏覽
Amici 係我其中一個最鐘意ge 餐廳，不論環境同食物質素都好高質。知道佢哋出咗張新餐牌，當然要來試試😆樣樣都想食，睇到都流口水🤤 所以我同我老婆各叫一份，前菜我揀咗香煎牛仔柳，主菜就係香燒羊扒。而我老婆就揀咗青芒果蝦他他，主菜就揀咗脆煎甘鯛魚。首先，會有一份餐包俾你醫醫肚😀之後就會上前菜。香煎牛仔柳配瑞士薯餅及黑松露泡沫：一上菜就已經聞到好香嘅黑松露味。牛仔柳好厚身，肉質嫩滑，再配上黑松露，口感一絕。瑞士薯餅，令我好驚喜，好有薯香味之餘，外層好鬆脆，內層一絲絲薯絲保持濕潤。青芒果蝦他他：青芒果蝦他他最主要係將青芒粒同埋生蝦混合，四周再灌上椰青水。青芒口感爽脆，生蝦肉質鮮甜彈牙，再配上好清甜嘅椰青水，感覺好清新。係一道好有泰式風味ge前菜。🥰之後有黑松露湯，暖一暖個肚皮。好香黑松露味😍到上主菜！脆煎甘鯛魚配海鮮南瓜汁：聽店長講做法有啲似”立鱗燒”,先將魚鱗一面，煎香，煎至鱗片香脆，之後再攞去焗，鎖住肉汁，令到魚皮爽脆，但肉質仍然可以保持嫩滑。而魚下面有塊好似蘿蔔糕咁嘅物體，原來係飯餅😲做法亦都好特別，係將risotto加芝士，再攞去煎制而成。外層有飯焦嘅香味，內裏都保持到risott
樣樣都想食，睇到都流口水🤤
所以我同我老婆各叫一份，前菜我揀咗香煎牛仔柳，主菜就係香燒羊扒。而我老婆就揀咗青芒果蝦他他，主菜就揀咗脆煎甘鯛魚。
首先，會有一份餐包俾你醫醫肚😀
之後就會上前菜。
香煎牛仔柳配瑞士薯餅及黑松露泡沫：
一上菜就已經聞到好香嘅黑松露味。
牛仔柳好厚身，肉質嫩滑，再配上黑松露，口感一絕。
瑞士薯餅，令我好驚喜，好有薯香味之餘，外層好鬆脆，內層一絲絲薯絲保持濕潤。
青芒果蝦他他：
青芒果蝦他他最主要係將青芒粒同埋生蝦混合，四周再灌上椰青水。青芒口感爽脆，生蝦肉質鮮甜彈牙，再配上好清甜嘅椰青水，感覺好清新。係一道好有泰式風味ge前菜。🥰
之後有黑松露湯，暖一暖個肚皮。好香黑松露味😍
到上主菜！
脆煎甘鯛魚配海鮮南瓜汁：
聽店長講做法有啲似”立鱗燒”,先將魚鱗一面，煎香，煎至鱗片香脆，之後再攞去焗，鎖住肉汁，令到魚皮爽脆，但肉質仍然可以保持嫩滑。
而魚下面有塊好似蘿蔔糕咁嘅物體，原來係飯餅😲做法亦都好特別，係將risotto加芝士，再攞去煎制而成。外層有飯焦嘅香味，內裏都保持到risotto ge 濕潤口感😍
香燒羊扒配羊T骨伴紅棗泡沫
牛T骨就食得多，羊T骨真係第一次食！
店長同我哋講原來去羶味，除咗平時用開嗰隻薄荷醬之外，其實用啲比較甜身ge醬都一樣可以去到羶味。佢哋就用咗紅棗容，紅棗比較清甜，同時亦都可以去到羊羶味，一個好特別嘅配搭。羊肉本身肉質都好柔嫩
最後當然唔少得有甜品。係焗蘋果杏仁芝士撻配雲呢拿雪糕，為今餐晚畫上完美嘅句號
張貼
