串亭

營業中

休息中

🍢🍱🍛超高質炸串御膳享受✅串揚咖哩烏冬 -$98呢個午市套餐係一個定食set，有兩款漬物、一碗沙律、四串串揚同埋一碗咖喱烏冬，另外都有杯熱茶。🥗沙律菜大碗、新鮮，除咗有生菜之外，亦都有蕃茄仔、蘿蔔片、紫椰菜絲等配料，配搭左少量嘅凱撒沙律醬，好清新嘅感覺🍥其中一款漬物係味噌醬撈肉碎，另一款應該係醃製咗嘅蘿蔔絲，第二款會比較清新同埋爽口，但係味道嚟講我鍾意味噌醬嗰個多啲🍢串揚四款是隨機的，有一串炸蝦、一串炸番薯、一串炸三文魚、及一串炸免治肉串，平時要30幾蚊一串，而家set仲包四串，性價比真係超高。炸串真係好食，個皮炸得好薄好脆，一啲油膩感都冇，而且保持到裏面肉嘅鮮嫩，番薯亦都好綿滑，配埋佢嘅秘製醬真係一流🍜估唔到咖喱烏冬都好出色，烏冬好彈牙而且掛汁，配埋香蔥好有口感。香濃嘅咖喱湯底都好杰身，唔係好水嘅感覺，好似忌廉湯咁有綿綿嘅質感，好想飲晒佢。仲有隻流心蛋添。