天空虎嘯

營業中

休息中

嗰日男朋友畀咗個驚喜我，帶我去天空虎嘯呢度食「真阿拉斯加長腳蟹海鮮蒸汽刺身套餐」，我真係好開心，因為呢個套餐我想食好耐喇，聽朋友講呢度嘅海鮮都非常新鮮，服務又好，真係多謝男朋友帶我嚟呢度享用晚餐。刺身頭盤- 每種刺身都用冰凍住以保持新鮮，樣樣都好好食，尤其係日本室樽生蠔，肉質肥美，鮮甜之餘帶有啲鹹味，值得畀個like。阿拉斯加長腳蟹- 食落去肉質非常有嚼勁，仲有帶啲微微嘅回甘味，味道非常新鮮，係頂級嘅食材。鮮北海道北寄貝- 都係數一數二肉質肥美嘅貝類，肉質鮮嫩肥厚，口感爽脆彈牙，味道都鮮甜十足，非常好食。龍蝦湯蒸蛋配蟹肉-一口氣可以食到三種唔同嘅味道，清甜嘅龍蝦味，新鮮嘅蛋味同埋蟹肉嘅鹹甜味，整體味道非常豐富。蘋果汁（熊仔冰）＆橙汁（老虎冰）-清爽可口嘅果汁消暑解渴，一邊飲果汁一邊欣賞海景。