THE 24 . ST

營業中

休息中

我一直都係蝴蝶酥愛好者，香港基本上任何地方有蝴蝶酥買，我都會借啲意買來食吓，最近經過尖沙K11 art mall發現到有一間裝修都幾別緻嘅餅店，成間店舖都係用上咗優雅嘅紅色，後來先知原來佢哋都有幾多分店，齋喺尖沙咀就已經有兩間，望落都已經睇得出佢哋嘅蝴蝶酥係好高質，真係有超多層，睇完又睇，最尾就決定咗要一盒15件裝嘅雜錦蝴蝶酥禮盒，食過之後真係覺得以後新年可以買來送禮，禮盒裝得體，而且全部獨立包裝，衛生又保鮮，最緊要就係味道亦都好好食！蝴蝶酥食落超級鬆脆，甜度適中，好啱亞洲人口味。我自己就覺得日本黑豆芝麻最出色。不過同時間佢都有好多創新嘅味道，例如蘋果山楂、三星蔥芝士、柚子香梨等，換句話嚟講，老人家或者年輕人嘅口味都照顧得到。