影片
更多
2021-07-14
144 瀏覽
今晚約左朋友食飯，朋友話想食西餐，剛巧經過呢間餐廳，望落唔錯，跟住就入左去。呢度空間好大，裝修吹工業風，環境乾淨整齊，坐得都幾舒服。餐牌好多嘢揀，我只係揀左杯我鐘意嘅飲品，其他由朋友話事。餐包有兩款，有軟有硬。麵包條好脆，鹹鹹地。另外軟麵包就暖暖地，有咬口，兩款點埋旁邊嘅醬，幾好。餐湯係黑松露牛肝菌蘑菇湯，呢個湯蘑菇味好濃，鹹鹹地，口感剛好，唔太結唔太稀，幾好飲。跟住就係跟餐沙律，沙律菜新鮮爽口，蕃茄，青瓜絲同蘋果絲都係甜甜地，最特別有紅菜頭，夠晒健康。朋友再叫左個巴馬火腿及蜜瓜配火箭菜沙律，蜜瓜又大塊又甜，巴拿馬火腿鹹鹹香香，唔會有嗰陣豬騷味。火箭菜本身苦苦地，配黑醋汁食，估唔到味道咁夾喎。其中一款主菜係初榨純橄欖油蒜香白酒煮紐西蘭海鑽蜆扁意粉，海鑽蜆好大隻，食落好鮮味，質感煙韌。意粉有好香蒜味同埋橄欖油味，爽口滑滑，有好少好少辣。另一款主菜係香草焗原條法國海鱸魚伴水煮新薯及雜菜。鱸魚份量足，入口帶淡淡香草味，上面幾片檸檬味道滲左去魚表面，味道清新。魚肉唔會烤到太乾，都算滑。配埋旁邊白酒忌廉汁，奶油味重得黎幾好食。食埋薯仔同雜菜，真係好飽。飲品朋友就叫左杯菠蘿班蘭葉，佢話班蘭同菠蘿味
呢度空間好大，裝修吹工業風，環境乾淨整齊，坐得都幾舒服。
餐牌好多嘢揀，我只係揀左杯我鐘意嘅飲品，其他由朋友話事。
餐包有兩款，有軟有硬。麵包條好脆，鹹鹹地。另外軟麵包就暖暖地，有咬口，兩款點埋旁邊嘅醬，幾好。
餐湯係黑松露牛肝菌蘑菇湯，呢個湯蘑菇味好濃，鹹鹹地，口感剛好，唔太結唔太稀，幾好飲。
跟住就係跟餐沙律，沙律菜新鮮爽口，蕃茄，青瓜絲同蘋果絲都係甜甜地，最特別有紅菜頭，夠晒健康。
朋友再叫左個巴馬火腿及蜜瓜配火箭菜沙律，蜜瓜又大塊又甜，巴拿馬火腿鹹鹹香香，唔會有嗰陣豬騷味。火箭菜本身苦苦地，配黑醋汁食，估唔到味道咁夾喎。
其中一款主菜係初榨純橄欖油蒜香白酒煮紐西蘭海鑽蜆扁意粉，海鑽蜆好大隻，食落好鮮味，質感煙韌。意粉有好香蒜味同埋橄欖油味，爽口滑滑，有好少好少辣。
另一款主菜係香草焗原條法國海鱸魚伴水煮新薯及雜菜。鱸魚份量足，入口帶淡淡香草味，上面幾片檸檬味道滲左去魚表面，味道清新。魚肉唔會烤到太乾，都算滑。配埋旁邊白酒忌廉汁，奶油味重得黎幾好食。食埋薯仔同雜菜，真係好飽。
飲品朋友就叫左杯菠蘿班蘭葉，佢話班蘭同菠蘿味道好香，甜甜地，奶味重，估唔到兩款材料mix埋係咁好飲。我就叫左杯士多啤梨香蕉朱古力，朱古力味同濃，除左milky之外，攪勻d cream飲仲滑，又唔算太甜，good張貼
