TC Bistro (已結業)

好少去新蒲崗，吾知食乜，所以openrice 發現左呢間高質西餐！餐前小食-牛油果墨西哥雞肉餡餅要讚一讚個醬汁，3款都好好味！佢個餡餅皮係好薄好脆，裏面夾住一塊牛油果同雞肉，少少辣，再配不同sauce(牛油果，sour cream,類似芒果奇異果甜甜酸酸)，超match~龍蝦忌廉汁海鮮意大利飯龍蝦汁非常creamy,如果再濃啲會更好！賣相幾靚！有兩隻大蝦係上面。海鮮真係有好多不同種類，魷魚🦑，蜆，三文魚，好豐富，務求令你每一口都食到海鮮！飯個硬度岩岩好，我覺得真係算正宗嘅意大利飯~寶雲酥羊架7成熟7成冇血水，岩曬要食熟又吾想食好鞋肉嘅朋友！個人認為上面啲炸粉有少少蓋過左羊肉味，可以吾洗要啲粉都得！啲肉好軟稔而且好重羊味！又係好多醬汁比我選擇！包你有驚喜同新奇！配菜粟米都好甜！服務超好，會主動比濕紙巾，又會收下碟！環境都幾靚！夜晚都full曬~我應該會再來！