家賀屋

去到銅鑼灣，期待咗好耐日本嘢終於有得食樓上鋪，超高質 7點半入到去其實都超多客，好彩有booking，侍應好nice，後尾冇人等嘅時候仲幫我哋換咗四人枱，勁好服務貪得意我哋兩個人冇叫到熱食，淨係叫左生蠔 象拔蚌同𩶘魚刺身，另外再叫咗彩虹壽司， 同埋「師傅精選」壽司定食，再叫咗兩杯酒🤭刺身食落口感覺係新鮮、高質，𩶘魚有咬口有質感，象拔蚌索索聲，係我最鍾意嘅口感。韓國生蠔有埋酸啫喱，食落去好夾，都係新鮮開既生蠔，抵讚。彩虹壽司係我好欣賞嘅，壽司上面隻隻都有唔同嘅餡，最欣賞佢隻赤貝，好有誠意，勁大隻，仲可以同一碟裏面食到唔同嘅壽司。個壽司定食係勁大份量，除咗八件壽司之外，仲有個湯、沙律、炸蠔，個湯都係用魚煲既味噌湯，勁有誠意。個定食有兩件壽司係師傅發辦，其實稍為細食啲嘅人，齋食呢個定食應該都夠飽了，賣相同創意一流👍埋單都係1000，價錢好合理，食到咁好嘅嘢，記得唔好錯過，高質日本料理😆