雲壽司 (聯成商業中心)

營業中

休息中

一個人的午餐，行街去到銅鑼灣街上面，行得太攰，唔想快快脆食茶餐廳，見到呢間壽司店午餐價錢合理，加上接近兩點客人唔多，可以俾我慢慢坐回一回氣，我叫咗一人餐有壽司刺身，同埋有個迷你鰻魚飯。刺身帶子同埋三文魚，每樣兩塊，都非常新鮮同埋甜美，食入口好鮮甜，好有口感。壽司有好幾款，牡丹蝦壽司大大隻好鮮甜，最正係牛肉薄燒唔會有跟，好香牛味，其他幾件壽司都一樣出色，壽司飯唔會好多，但係刺身就好足料，一口一舊壽司好滿足。饅魚飯雖然佢話係迷你版本，但成個飯有我隻手咁大，對於女士嚟講絕對唔係迷你，而且有三大條鰻魚，燒得好香，醬汁配埋糙米飯一齊食，非常好食，估唔到誤打誤撞比我發現到呢間優質嘅壽司店，下次可以去銅鑼灣行街一定再嚟。