影片
更多
2021-08-16
332 瀏覽
葵涌出名多平民美食，除咗之前試過嘅「嘉寶漢堡」、「雲南小鍋米線」之外，又畀我意外發掘到多一間寶藏餐廳「龍川上海料理」~ 「龍川上海料理」係一間主打上海菜嘅餐廳，雖然餐廳環境普普通通，但嘢食一啲都唔普通！一句講哂就係好食兼唔貴，CP值超高！ 🧡龍川小籠包4隻（$34）佢個小籠包絕對要試！唔好睇佢體積細細隻，其實入面包住咗勁多湯汁，一啖咬落超級爆汁！個皮薄身，個湯香濃得嚟又唔油膩，出乎意料地好食！ 🧡菜肉雲吞擔擔麵（$46）如果想食得清淡啲可以揀呢款雲吞擔擔麵，菜肉雲吞大隻多餡，擔擔麵充滿花生醬香，一啲都唔油膩，成碗由頭食到尾都好舒服！ 🧡五香牛𦟌麵（$42）牛𦟌煮得好腍，唔臊唔柴，湯頭雖然清淡但都好香好好飲！ 🧡酸辣湯（+$10）酸辣湯唔算好辣，都夠酸~材料都幾豐富，最緊要係佢價錢唔貴，加$10就可以飲到~ 🧡擂沙湯圓4粒（$28）最後當然要食返個甜品嚟埋尾，因為唔知咩係擂沙湯圓，好奇之下就揀咗~ 湯圓個外形圓碌碌軟腍腍，面層蘸滿花生蓉，一啖咬開入面係芝麻，同糯米糍有啲似，都幾好食~
「龍川上海料理」係一間主打上海菜嘅餐廳，雖然餐廳環境普普通通，但嘢食一啲都唔普通！一句講哂就係好食兼唔貴，CP值超高！
🧡龍川小籠包4隻（$34）
佢個小籠包絕對要試！唔好睇佢體積細細隻，其實入面包住咗勁多湯汁，一啖咬落超級爆汁！個皮薄身，個湯香濃得嚟又唔油膩，出乎意料地好食！
🧡菜肉雲吞擔擔麵（$46）
如果想食得清淡啲可以揀呢款雲吞擔擔麵，菜肉雲吞大隻多餡，擔擔麵充滿花生醬香，一啲都唔油膩，成碗由頭食到尾都好舒服！
🧡五香牛𦟌麵（$42）
牛𦟌煮得好腍，唔臊唔柴，湯頭雖然清淡但都好香好好飲！
🧡酸辣湯（+$10）
酸辣湯唔算好辣，都夠酸~材料都幾豐富，最緊要係佢價錢唔貴，加$10就可以飲到~
🧡擂沙湯圓4粒（$28）
最後當然要食返個甜品嚟埋尾，因為唔知咩係擂沙湯圓，好奇之下就揀咗~ 湯圓個外形圓碌碌軟腍腍，面層蘸滿花生蓉，一啖咬開入面係芝麻，同糯米糍有啲似，都幾好食~
張貼
