醉鮮 (已結業)

昨晚經過荃灣三坡坊，發現一間新開張嘅食店，地方非常寛敞，發現佢哋仲有兩層添！約埋一班朋友搞生日，聚會派對，係一個完全嘅好地方，上層重可以間一間有屏風嘅獨立枱出嚟，老闆真係有諗頭！食物方面非常新鮮，有我最鍾意食嘅紅瓜子魚（係每日喺屯門三聖村攞貨返嚟），海蝦（超級鮮甜），薑蔥炒蟹同埋鹽焗蟹（呢個一定要食），仲有脆皮豬手（係我咁大個食過最好嘅一間），新鮮鮑魚（上菜時熱辣辣非常之香），仲有佢哋嘅蔥油雞（真係估唔到佢哋嘅雞點解會做到咁滑？）佢哋嘅椒鹽賴尿蝦非常惹味，呢個真係必食推介！總括來講，喺荃灣都好難搵到一間咁好食嘅食店！最緊要嘅係唔會好似出面嗰啲咁樣限定你食一兩個鐘），呢度嘅人情味非常豐厚，值得再嚟嘅一間好餐廳👍👍👍