影片
更多
2019-08-05
49 瀏覽
餐廳喺黃埔花園第十一期地下，位置有少少僻，不過其實幾近黃埔地鐵站，加上門面顯眼，都唔難搵嘅。座位嚟講都算寬敞，周圍有啲傳統韓國裝飾品例如韓服公仔、扇、大鼓等等，仲有啲傳統韓服俾食客等位時著住影相。落咗單後冇耐就聽到擊鼓聲，原來係有鮑魚同蝦攞，食客攞住碟有秩序咁排隊去攞，每人一份而且數量充足，排到就一定有，唔怕爭先恐後。鮑魚同蝦都係醬油醃，有特色。韓式自助吧都幾多嘢食，有辣湯韓式魚糕、豆卜、鳴門卷、炒年糕、生果、點品糕點等等。之後店員就拎一座蒸籠出嚟，蒸籠上面有timer顯示蒸煮時間。先食象拔蚌同黑椒鹽肥牛，肥牛好有牛味，仲有邪惡肥膏，油香肉香配黑椒夠惹味。之後就海蝦同日本元貝，日本元貝好大隻，勁鮮甜，鮮甜到最後連蒸出嚟喺殼入面嘅水都飲埋。再嚟就係大大隻龍蝦，龍蝦肉雪白，蒸出嚟原汁原味，肉質鮮美。下一層係龍躉指天翅、大花蛤同沙白。龍躉肉好嫩滑，魚肉味豐富。最後係鮑魚+蔬菜拼盤。鮑魚蒸完都仲係大大隻，咬落超彈牙。蔬菜拼盤份量就少咗啲，但蒸煮真係比其他煮法食起嚟鮮甜好多，正！飲品方面，可以加$12任飲。飲品包括一般汽水果汁外，仲有餐廳自家製凍飲同韓國啤酒。我就揀咗
座位嚟講都算寬敞，周圍有啲傳統韓國裝飾品例如韓服公仔、扇、大鼓等等，仲有啲傳統韓服俾食客等位時著住影相。
落咗單後冇耐就聽到擊鼓聲，原來係有鮑魚同蝦攞，食客攞住碟有秩序咁排隊去攞，每人一份而且數量充足，排到就一定有，唔怕爭先恐後。鮑魚同蝦都係醬油醃，有特色。
韓式自助吧都幾多嘢食，有辣湯韓式魚糕、豆卜、鳴門卷、炒年糕、生果、點品糕點等等。
之後店員就拎一座蒸籠出嚟，蒸籠上面有timer顯示蒸煮時間。先食象拔蚌同黑椒鹽肥牛，肥牛好有牛味，仲有邪惡肥膏，油香肉香配黑椒夠惹味。之後就海蝦同日本元貝，日本元貝好大隻，勁鮮甜，鮮甜到最後連蒸出嚟喺殼入面嘅水都飲埋。
再嚟就係大大隻龍蝦，龍蝦肉雪白，蒸出嚟原汁原味，肉質鮮美。下一層係龍躉指天翅、大花蛤同沙白。龍躉肉好嫩滑，魚肉味豐富。
最後係鮑魚+蔬菜拼盤。鮑魚蒸完都仲係大大隻，咬落超彈牙。蔬菜拼盤份量就少咗啲，但蒸煮真係比其他煮法食起嚟鮮甜好多，正！
飲品方面，可以加$12任飲。飲品包括一般汽水果汁外，仲有餐廳自家製凍飲同韓國啤酒。我就揀咗罐芒果味啤酒，冰凍、有汽、易入口得嚟又唔會好甜，幾好飲。
張貼
