影片
更多
2022-11-16
453 瀏覽
異國Fusion菜🥘鐵板烤雞烤餅🍨巨型香蕉拖肥批！-如果講到食飯慶祝，田中發現外藉店員嘅餐廳，普遍慶祝都有氣氛啲，例如生日都會拍手唱生日歌，都算係一個慶祝選擇嘅指標。而呢間海傍餐廳就係其中之一，綠蔭環境帶點異國風情，不時聽到店員熱情唱歌慶祝，特別有Feel。-前菜🫔Madira Starter Platter ($188)拼盤集齊呢到最特色嘅前菜，主要都係東南亞嘅特色小食，例如沙嗲串燒、薯蓉芝士球、魚餅等等，都係香脆惹味嘅款式，值得一試。主菜🦐Seafood Boat Platter ($248)1️⃣超霸氣嘅海鮮船，影相真係影唔出有幾大碟，鋪滿大蝦、青口、大蜆、魚塊等等，每款都有幾件，非常足料。2️⃣雖然未係最新鮮生猛，但配上惹味辣汁，完全令人食唔停口，個汁再配上多士，真係一流。🥘Chicken Tikka Faijitas ($148)經典印度烤雞，鐵板上熱辣辣，非常香口，配上烤餅同3款醬汁，可以自己夾上，Juicy又層次豐富，非常滿足。🍲Thai Green Curry Risotto ($148)意大利飯做法，但用上青咖哩，賣相平平無奇，但食落超濃郁惹味，非常驚喜，青咖哩控必叫。甜品🍨
-
如果講到食飯慶祝，田中發現外藉店員嘅餐廳，普遍慶祝都有氣氛啲，例如生日都會拍手唱生日歌，都算係一個慶祝選擇嘅指標。
而呢間海傍餐廳就係其中之一，綠蔭環境帶點異國風情，不時聽到店員熱情唱歌慶祝，特別有Feel。
-
前菜
🫔Madira Starter Platter ($188)
拼盤集齊呢到最特色嘅前菜，主要都係東南亞嘅特色小食，例如沙嗲串燒、薯蓉芝士球、魚餅等等，都係香脆惹味嘅款式，值得一試。
主菜
🦐Seafood Boat Platter ($248)
1️⃣超霸氣嘅海鮮船，影相真係影唔出有幾大碟，鋪滿大蝦、青口、大蜆、魚塊等等，每款都有幾件，非常足料。
2️⃣雖然未係最新鮮生猛，但配上惹味辣汁，完全令人食唔停口，個汁再配上多士，真係一流。
🥘Chicken Tikka Faijitas ($148)
經典印度烤雞，鐵板上熱辣辣，非常香口，配上烤餅同3款醬汁，可以自己夾上，Juicy又層次豐富，非常滿足。
🍲Thai Green Curry Risotto ($148)
意大利飯做法，但用上青咖哩，賣相平平無奇，但食落超濃郁惹味，非常驚喜，青咖哩控必叫。
甜品
🍨Banofie Pie ($78)
一上枱已經嚇親嘅香蕉拖肥批，大件邪惡得誇張，滿滿忌廉、拖肥、香蕉、朱古力醬，綿滑濃厚，撻皮又牛油濃厚，就算唔食飯都想過黎食個。
張貼
