胡爐 (已結業)

之前系朋友圈中已經聽過話尖沙咀有間火鍋店嘅湯底超豪，超誇張，一直都系抱住半信半疑嘅態度。今日為左慶祝個friend平平安安返到香港，又健健康康甘坐完14日自我隔離監，一於帶佢食豪啲慶祝下。系樓下等lift嘅時候見到個poster，心諗個湯底系咪真系甘誇呀！好好彩，侍應安排左個vip房比我地，入面有2張4人枱，每枱都系得2個人所以坐得幾寛鬆。眼前嘅濃湯佛跳牆雞翅鍋，湯底真系超誇張，滿滿一鍋，湯料真系多到數之不盡。隨便一撈已經有好多塊大大塊嘅花膠，海參，螺片，素翅，鮑魚，乾瑤柱，金華火腿，雞……甘多材料煲嘅湯肯定超超超甜啦！2個人剩系食晒同飲晒呢個湯已經……full full full！呢個佛跳牆湯底真系無得輸👍👍👍美國桶蠔，肥到呢……淥完之後都重有成隻碗甘大，超有口感😋😋😋霜降牛柳粒，入口超”林”，啲油脂系個口度爆出黎，齒夾留香。