振興肉丸

營業中

休息中

一向都有幫襯開大埔嘅振興肉丸，每次入親嚟大埔都一定會兜埋過嚟買返幾包牛丸。今次係第一次買其他口味，買咗三款包括：- 牛骨清湯牛丸- 豬骨濃湯貢丸- 墨魚丸振興嘅牛丸所有口味之前都有試過，而我就比較鍾意係牛筋丸同牛骨清湯牛丸，而今次為咗試其他口味嘅肉丸，所以就無買牛筋丸。牛骨清湯牛丸咬落真係會覺得好多肉汁，粒牛丸又彈牙，真係一個人食哂食包都得！而豬骨濃湯貢丸就第一次試，一放入口就好就好香濃嘅豬骨湯味道，濃濃嘅香菇味真係拍得住台灣嘅貢丸！墨魚丸都好爽口彈牙。今次買得三包都覺得太少，下次再嚟大埔真係要拎定個大冰袋入嚟。