陪著你走甜品 (已結業)

今日喺炮台山食完飯同朋友行咗去天后食甜品，天后嘅甜品店都食過晒，呢間位置在清風街街尾嘅小店，唔太顯眼。見門口貼晒仙草芋圓甜品，以為係台式甜品店，點知原來重有好多中西式甜品選擇。一場嚟到點都要試吓佢哋嘅招牌甜品仙草八寶，佢哋嘅仙草滑滑溜溜好甘甜唔似有啲甜品店係有苦味同質感死實嘅，成碗滿滿嘅芋圓、地瓜圓、珍珠、紅豆、西米等有唔同層次嘅口感，食完喉嚨好舒服，肚皮大滿足☺️。朋友就試咗另一個招牌甜品-法式焦糖燉蛋，佢用九秒九就食完，本來想試少少都唔得，見佢咁滋味我就加碼一個咖啡味焦糖燉蛋同佢兩份。講真真係好滑好香咖啡味，唯一要彈嘅就係焦糖面唔夠焦，但都有90分嗱！隔離枱叫咗個生日窩夫，真係多料到成個生日🎂咁。我同朋友都話會再嚟😁。