影片
更多
2019-08-07
46 瀏覽
突然間好想食越南粉麵 朋友話有間喺尖東既係越南女主廚地點方便 地鐵站P出口搭lift上地面唔駛1分鐘就到！ 老闆娘好熱情！一坐低就黎招呼我哋 問我地有冇乜嘢特別想食(有啊～我好想食PHO!!越南河粉！)老闆娘就推介左餐廳嘅王牌火車頭另外 當然唔少得越南嘅香口小食同特色飲品啦～ 大熱天時 整返杯消暑嘢飲最緊要新鮮菠蘿冰：餐廳採用新鮮菠蘿。堅持唔用罐頭糖水浸過嘅 再加埋切成幼條嘅橙皮一杯菠蘿冰混合甘香甜美！飲落去解暑舒服！正紅豆冰：平時紅豆冰飲得多，但係餐廳除咗落大紅豆之外 另外再加上紅腰豆令到紅豆冰更有咬感～口感升lv! 雞絲米紙卷大大件嘅咪紙卷包住新鮮手撕雞～雞味超香濃！越式炸雞卷雖然賣相好似炸豬大腸。但係實情佢係炸雞卷炸到超香口唔使講！呢啲小食真係一粒接一粒 勁快清左成碟藕苗蝦沙律一上枱即刻比兩隻炸大蝦吸引左 但老闆娘話 下面嘅藕苗沙律先係重點新鮮嘅藕苗芯清晰可見！食落去超爽口 完全冇起渣配上酸酸甜甜嘅越南式魚露汁 又一開胃嘅選擇！王牌火車頭我最期待嘅畫面出現啦！有齊曬生牛肉、牛柏葉、牛筋、牛展、牛丸份量十足～河粉幼滑想讚一下佢嘅河粉湯底因為好多時pho湯底都好鹹 而且好多味精 通常
老闆娘好熱情！一坐低就黎招呼我哋 問我地有冇乜嘢特別想食(有啊～我好想食PHO!!越南河粉！)老闆娘就推介左餐廳嘅王牌火車頭
另外 當然唔少得越南嘅香口小食同特色飲品啦～
大熱天時 整返杯消暑嘢飲最緊要
新鮮菠蘿冰：餐廳採用新鮮菠蘿。堅持唔用罐頭糖水浸過嘅 再加埋切成幼條嘅橙皮一杯菠蘿冰混合甘香甜美！飲落去解暑舒服！正
紅豆冰：平時紅豆冰飲得多，但係餐廳除咗落大紅豆之外 另外再加上紅腰豆令到紅豆冰更有咬感～口感升lv!
雞絲米紙卷大大件嘅咪紙卷包住新鮮手撕雞～雞味超香濃！
越式炸雞卷雖然賣相好似炸豬大腸。但係實情佢係炸雞卷炸到超香口唔使講！呢啲小食真係一粒接一粒 勁快清左成碟
藕苗蝦沙律一上枱即刻比兩隻炸大蝦吸引左 但老闆娘話 下面嘅藕苗沙律先係重點
新鮮嘅藕苗芯清晰可見！食落去超爽口 完全冇起渣配上酸酸甜甜嘅越南式魚露汁 又一開胃嘅選擇！
王牌火車頭我最期待嘅畫面出現啦！
有齊曬生牛肉、牛柏葉、牛筋、牛展、牛丸份量十足～河粉幼滑
想讚一下佢嘅河粉湯底因為好多時pho湯底都好鹹 而且好多味精 通常食完都會覺得好口渴但係河內大娘既火車頭湯 完全冇呢個問題！真材實料真係冇得呃人㗎～
雖然餐廳細細 但係反而我鍾意老闆娘對於每一台客都係好有心 我見到佢每一台都會傾吓計，了解下客人嘅喜好 問吓食客既意見 講解餐廳對食材嘅用心 人情味濃厚！
下次想食越南菜 我一定會再諗起河內大娘
張貼
