越一越南牛肉粉專門店 (已結業)

越南粉對我來講湯底系好重要，每個月都要黎食幾次，講緊係荃灣越一越南粉專門店，每次嚟到都覺得裝修很乾淨，地方都夠大。食越南粉當然要試一試佢地嘅牛肉湯底，今次都唔會例外，點左一個叫做越一火車頭檬粉，當中包括有生牛肉，牛腩片，牛丸，牛筋同牛柏葉。當中湯底非常之濃厚，牛肉味非常重，仲帶少少牛油系上面，當然除咗湯底之外，餸都緊要，其中牛丸同埋牛柏葉都係我覺得最出色嘅，牛筋骨膠原好高，生牛肉切到好厚身。當中午市套餐係可以加錢叫小食，今次我叫了香茅雞翼，煎得非常乾身，唔會太油膩，外邊脆裏面卻軟熟，雞翼吾會有雪藏感覺，非常香口。