蓮香居 (已結業)

以前D人成日話一盎2件，就係話去飲茶，而呢個焗盎就係正規嘅飲茶方式。不過咁，茶葉多，但水少，要成日沖茶，不過侍應們都好樂意不斷黎沖水嘅。由於掛住食，忘了影晒所有食物。呢個比較普通嘅咸水角，總之新鮮，唔會差得去邊。另外食左叉燒包，勁juicy，叉燒夠甜肉夠“林”，包夠鬆。呢個腐皮夾，基本上應該無酒樓會整了。其實酒樓本身都賣晒，突登走去問老闆先蒸出黎嫁咋，見有一枱客2個人叫左2籠，咁確實好好味，腐皮中間夾住馬蹄，雲耳....好好味，咸甜度啱啱好，唔算散，功夫菜。呢個一定要試。雖然價錢貴左少少，但有風味，值得。温馨提示，加價了，哈