樂壽新漁村酒家 (已結業)

對上一次(12/7/08)食過既均安魚餅(爽! 蝦醬通菜牛肉,熱鍋大,材料少,味道過咸、 勒流欖角骨,好似普通排骨咁啫! 砵仔焗魚腸,老公說不是鯪魚腸,而是大魚腸,迅色左,而我覺得腥度接受到,可能蛋焗完太熟,又鞋口無味,麻麻地、煎焗鉗魚例,咁好食既野,可惜份量少得可憐)。(25/12/08)family day dinner,我地太夜啦,九點鐘先黎食飯!!發覺比以前人少。今次要點些上次唔同既。拼盤:藕餅的炸粉重手左,攪到唔爽口,唔似食緊藕；炸米粉鯪魚球,鬆脆,點仁腍汁好食過點蜆介。黑椒牛柳粒,黑椒加落西芹炒,原來都幾帶出西芹既清甜喎!牛柳粒一d都唔韌,我食左好多啊!欖菜肉鬆豆腐、蝦醬炒芥蘭,呢兩個較普通。豉汁蒸大鱔,咁o岩揀到條斤零重的爽肉鱔,加埋No.1的爆滿豉汁!真係好好食,好好餸飯!去順德菜館,唔食河鮮,會係一大缺憾!上次食唔到的火龍果石榴露,今晚有喇!原來那忌廉汁般的石榴味好fresh架!!食完咁咸既晚飯,呢個石榴露令人精神為之一振!飽飽之時,伙計主動送我們黃金糕,和果盤(橙)。黃金糕係一d都唔黐牙,而且一d都唔甜。咁美味既地方,一早已成了我愛之菜館喇!