尚點 小籠包.上海麵館 (置富第一城) (已結業)

上次食過都唔太差, 不過係怕人多, 所以要早啲嚟食啫~ 今次都係六點左右嚟到, 兩人枱都仲有幾張, 不過係1張4人枱一齊坐咁囉~ 金網生煎鍋貼上次食過好味, 今次再叫, 但好似冇上次咁好味, 感覺上肉感重咗, 所以有啲膩, 為免老公反胃, 所以今次我食3只, 佢食2只~ 上海排骨粗炒睇佢菜牌上張相好靚, 所以叫嚟試試~ 但一上枱, 感覺上有啲貨不對板咁, 張相好靚, 塊豬扒好整齊咁放响面, 色水又冇咁深, 不過實物係又黑蚊蚊, 塊豬扒炒到亂哂, 同茶餐廳一樣, 兜亂上~  以前我地食嘢冇咁清淡時, 成日都係幾碟一齊出, 一定係人地果碟多啲餸, 但而家我地食得清淡咗, 反而覺得我地呢碟係咪太多肉呢? 感覺上每碟應該大約有1塊豬扒, 但我地呢碟好似有1塊半接近兩塊豬扒咁多, 夠哂抵食, 不過就食到反反地胃咁濟, 因為佢塊豬扒超厚粉, 啲粉上下夾住塊肉, 但啲粉好似厚過塊豬扒囉~ 我一見到咁, 已經由第一舊豬扒就去粉皮, 所以都冇咁濟, 相反個傻佬開頭食埋啲粉, 所以搞到佢食唔到多, 因為比啲粉皮頂住個胃~ 好在佢都唔算炒得油, 如果唔係真係食唔哂~ 砂鍋津白見佢又有菜又有肉又有湯, 同埋好