影片
更多
2018-07-06
170 瀏覽
近期愛上西式素食，上網搵到呢間，咁啱去開附近買野，於是就同男友上去食。欣賞餐廳比客人飲嘅清水係加咗青瓜浸嘅，飲落比檸檬更清新!讚!薯條拌黑松露醬 - 上檯有3樣野，薯條、黑松露醬、茄醬。話比大家知，茄醬絕對可以skip, 因為你一食松露醬就返唔到轉頭。 法式洋蔥湯 - 小小嘅一碗湯就係精華所在，濃縮嘅洋蔥湯混有香草味道，男朋友一路飲一路話好味，講咗至少3次。香辣茄醬手工卷意大利粉 - 意粉係長條型、卷狀，由於係手工卷，所以較為容易沾上醬汁，而個醬亦好好味，唔會太辣，啱晒我。讚!烤亞支竹西蘭花菠菜意大利飯 - 實不相瞞，我係第一次食亞支竹，味道有d酸酸地，上網睇返，原來有排毒功效。呢個意大利飯好香口，冇錯，係好香口! 因為佢落咗d細細粒嘅堅果，味道似開心果，但由於細粒，加上經過煮嘅過程都已經令佢稔稔地，同飯混埋一齊一d都唔違和。讚!有機豆奶 - 好在侍應哥哥介紹飲熱嘅，温熱嘅豆奶打咗泡，真係又香又滑。雖然侍應哥哥比埋糖粒我地，但唔落糖都好好飲，原汁原味。餐廳成晚只得一個侍應招呼客人，見佢好忙咁穿梭每檯客去落單、送餐、埋單、清檯之餘，仲要負責埋飲品，佢全程都面掛笑容，非常友善。臨尾我上佢地
欣賞餐廳比客人飲嘅清水係加咗青瓜浸嘅，飲落比檸檬更清新!讚!
薯條拌黑松露醬 - 上檯有3樣野，薯條、黑松露醬、茄醬。話比大家知，茄醬絕對可以skip, 因為你一食松露醬就返唔到轉頭。
法式洋蔥湯 - 小小嘅一碗湯就係精華所在，濃縮嘅洋蔥湯混有香草味道，男朋友一路飲一路話好味，講咗至少3次。
香辣茄醬手工卷意大利粉 - 意粉係長條型、卷狀，由於係手工卷，所以較為容易沾上醬汁，而個醬亦好好味，唔會太辣，啱晒我。讚!
烤亞支竹西蘭花菠菜意大利飯 - 實不相瞞，我係第一次食亞支竹，味道有d酸酸地，上網睇返，原來有排毒功效。呢個意大利飯好香口，冇錯，係好香口! 因為佢落咗d細細粒嘅堅果，味道似開心果，但由於細粒，加上經過煮嘅過程都已經令佢稔稔地，同飯混埋一齊一d都唔違和。讚!
有機豆奶 - 好在侍應哥哥介紹飲熱嘅，温熱嘅豆奶打咗泡，真係又香又滑。雖然侍應哥哥比埋糖粒我地，但唔落糖都好好飲，原汁原味。
餐廳成晚只得一個侍應招呼客人，見佢好忙咁穿梭每檯客去落單、送餐、埋單、清檯之餘，仲要負責埋飲品，佢全程都面掛笑容，非常友善。臨尾我上佢地個fan page, 先至知…呢位侍應大哥…原來係…主廚!! Wow~ 失敬失敬~ 我仲偷聽到佢同個熟客講，話遲d老闆會開多一間分店，仲會有其他新菜式添。期侍!
張貼
