譚仔雲南米線 (長沙灣廣場)

營業中

休息中

同腦細鬥智鬥力搏鬥完，OT到8點，帶住疲倦嘅身軀打算食個快飯，見譚仔排隊嘅人唔算好多，等一等就有位！譚仔當然係坐搭枱位，先可以咁快有位喔，坐到迫迫先係譚仔特色！叫個勿演炸脹麻喇生小喇，加凍鏈襪同際土匪 (墨丸炸醬麻辣三小辣，加凍檸蜜同細嘅土匪雞翼)！譚仔阿姐口音依然，味道依然，特別鍾情個炸醬，雖然知道佢都好高卡同好肥膩！土匪雞翼一樣嘅模樣，一樣咁皮脆肉嫩，係譚仔嘅味道！不過價錢越來越貴，價錢已經不再大眾化！